ພະເຈົ້າຈັກກະພັດ Akihito ແລະ ພະມະເຫສີ ຢ້ຽມຢາມກຸງເກົ່າເຫ້ວ
|
(vovworld)- ຕອນທ່ຽງວັນທີ 5/3, ພະເຈົ້າຈັກກະພັດ Akihito ແລະ ພະມະເຫສີ ໄດ້ສິ້ນສຸດການຢ້ຽມຢາມທາງລັດຖະກິດຫວຽດນາມແຕ່ວັນທີ 28/2 - 5/3/2017 ຢ່າງຈົບງາມ ຕາມຄຳເຊີນຂອງທ່ານປະທານປະເທດ ຫວຽດນາມ ເຈີນດ້າຍກວາງ. ໃນຂອບເຂດການຢ້ຽມຢາມຫວຽດນາມ, ພະເຈົ້າຈັກກະພັດ Akihito ແລະ ພະມະເຫສີ ໄດ້ພົບປະ ແລະ ເຂົ້າຮ່ວມງານລ້ຽງໂດຍທ່ານປະທານປະເທດເຈີນດ້າຍກວາງ ແລະ ພັນລະຍາເປັນເຈົ້າພາບຈັດຕັ້ງ, ພົບປະກັບທ່ານເລຂາທິການໃຫຍ່ ຫງວຽນຟູຈ້ອງ ແລະ ນາຍົກລັດຖະມົນຕີ ຫງວຽນຊວນຟຸກ, ທ່ານນາງປະທານສະພາແຫ່ງຊາດ ຫງວຽນທິກີມເງິນ. ທີ່ການພົບປະຄັ້ງຕ່າງໆນັ້ນ, ສອງຝ່າຍຖືວ່າ ການຢ້ຽມຢາມຫວຽດນາມຂອງ ພະເຈົ້າຈັກກະພັດ Akihito ແລະ ພະມະເຫສີ ມີຄວາມໝາຍປະຫວັດສາດໃນການພົວພັນລະຫວ່າງສອງປະເທດ ແລະ ມີຄວາມເຊື່ອໝັ້ນວ່າ ການຢ້ຽມຢາມຂອງ ພະເຈົ້າຈັກກະພັດ Akihito ແລະ ພະມະເຫສີ ປະກອບສ່ວນເພີ່ມທະວີຄວາມໄວ້ເນື້ອເຊື່ອໃຈ, ເຂົ້າອົກເຂົ້າໃຈເຊິ່ງກັນແລະກັນ ແລະອາລົມຈິດລະຫວ່າງສອງປະເທດ ຜ່ານນັ້ນພັດທະນາການພົວພັນຄູ່ຮ່ວມມືຍຸດທະສາດເລິກເຊິ່ງກວ້າງຂວາງລະຫວ່າງຫວຽດນາມ ແລະ ຍີ່ປຸ່ນໃນໄລຍະຈະມາເຖິງ.
ກ່ອນຫນ້ານັ້ນ ຕອນຄ່ຳວັນທີ 4/3, ລາດຊະວົງ ຍີ່ປຸ່ນ ໄດ້ຈັດການປະຊຸມຂ່າວ ປະກາດການຢ້ຽມຢາມເຫ້ວຂອງພະເຈົ້າຈັກກະພັດ Akihito ແລະ ພະມະເຫສີ ຢ່າງຈົບງາມ. ໃນການຢ້ຽມຢາມໃນຕອນເຊົ້າວັນດຽວກັນ, ພະເຈົ້າຈັດກະພັດ Akihito ແລະ ພະມະເຫສີ ໄດ້ໄປຢ້ຽມຢາມລາດຊະວັງເຫ້ວ, ຮັບຟັງດົນຕີໃນລາດຊະວັງ. ຕອນບ່າຍວັນດຽວກັນ, ພະເຈົ້າຈັດກະພັດ Akihito ແລະ ພະມະເຫສີ ໄດ້ໄປຢ້ຽມຢາມຫໍອະນຸສອນສະຖານ ຟານໂບ້ຍເຈົາ ຢູ່ຕາແສງ ເຈື່ອງອານ ນະຄອນເຫ້ວ, ຕ້ອນຮັບພາລະກອນອາສາສະໝັກຂອງອົງການຮ່ວມມືພັດທະນາສາກົນ ຍີ່ປຸ່ນ JICA ແລະ ພົບປະກັບປະຊາຄົມຊາວຍີ່ປຸ່ນ ຢູ່ຫວຽດນາມ ກ່ອນທີ່ເດີນທາງອອກຈາກຫວຽດນາມ ໃນວັນທີ 5/3. ຕາມທ່ານ Hatsuhisa Takashima, ເລຂາສື່ມວນຊົນ ແລະ ກໍ່ແມ່ນໂຄສກົກຂອງພະເຈົ້າຈັກກະພັດຍີ່ປຸ່ນແລ້ວ, ພະເຈົ້າຈັດກະພັດ Akihito ແລະ ພະມະເຫສີ ມີຄວາມປິຕິຊົມຊື່ນຕໍ່ບັນດາການເຄື່ອນໄຫວຢ້ຽມຢາມນະຄອນເຫ້ວ ພິເສດມີຄວາມປະທັບໃຈທີ່ສຸດຕໍ່ການຕ້ອນຮັບຢ່າງສົມກຽດຂອງອຳນາດການປົກຄອງ ແລະ ປະຊາຊົນແຂວງເທື່ອທຽນເຫ້ວ.