ພາຍຸ Sinlaku ອ່ອນລົງ
(ພາບ: NCHMF.)
(vovworld) – ພາຍຸ Sinlaku ໄດ້ພັດເຂົ້າບັນດາເມືອງ, ເທດສະບານທາງພາກເໜືອແຂວງຟູ໋ອຽນ, ແຕ່ບໍ່ກໍ່ຄວາມເສຍຫາຍຫຼາຍປານໃດ. ພາຍຸ Sinlaku ອ່ອນລົງ, ໄດ້ກາຍເປັນຄວາມດັນອາກາດຕຳ່, ເຮັດໃຫ້ບັນດາແຂວງຟູ໋ອຽນ, ບິ່ງດິ້ງ ແລະ ທາງທິດເໜືອໄຕງວຽນ ມີຝົນຕົກໜັກ. ວັນທີ 30/11, ນຳ້ແກ່ງຈາກທາງທິດໃຕ້ແຂວງກວາງຫງາຍ ເຖິງທາງທິດເໜືອແຂວງຟູ໋ອຽນ ແລະ ຢາລາຍ, ກອນຕຸມ ໄດ້ເພີ່ມຂຶ້ນຢ່າງວ່ອງໄວ, ອາດຈະເຮັດໃຫ້ນຳ້ຖ້ວມຢູ່ເຂດທົ່ງພຽງແຄມຝັ່ງທະເລ ແລະ ເຂດພື້ນທີ່ຕຳ່ຂອງແຂວງຕ່າງໆ. ກ່າວຄວາມເຫັນທີ່ການປະຊຸມໃນຕອນເຊົ້າວັນທີ 30/11, ຢູ່ແຂວງຟູ໋ອຽນ, ທ່ານລັດຖະມົນຕີວ່າການກະຊວງກະສີກຳ ແລະ ພັດທະນາຊົນນະບົດ ກາວດຶກຟາດ, ຫົວໜ້າຄະນະຊີ້ນຳການປ້ອງກັນຕ້ານພາຍຸສູນກາງ, ຮຽກຮ້ອງທ້ອງຖີ່ນຕ່າງໆສືບຕໍ່ຮັບມືກັບສະພາບຝົນຕົກນຳ້ແກ່ງ.
“ພາຍຫຼັງການປະຊຸມນີ້, ພວກເຮົາຈະສຸມໃສ່ວຽກງານຮັບມືກັບນຳ້ແກ່ງຖ້ວມ, ເອົາໃຈ່ໃສ່ເຖິງການໜູນຊ່ວຍປະຊາຊົນປ້ອງກັນ, ຕ້ານພາຍຸນຳ້ຖ້ວມ. ສະເໜີໃຫ້ທ້ອງຖີ່ນຕ່າງໆຈັດວາງກຳລັງເວນຍາມ, ກ່າວເຕືອນ, ແນະນຳໃຫ້ປະຊາຊົນ ເພື່ອເປັນເຈົ້າການຮັບມືກັບນຳ້ແກ່ງຖ້ວມ.“