(vovworld) - ລັດຖະມົນຕີການຕ່າງປະເທດ ຟິລິບປິນ, ທ່ານ Albert del Rosario ໄດ້ກ່າວສະແດງຄວາມຊົມເຊີຍທ່ານ ເລເລືອງມິນ (Le Luong Minh) ດຳລົງຕຳແໜ່ງເລຂາທິການໃຫຍ່ຂອງສະຫະສະມາຄົມບັນດາປະເທດ ອາຊີ ຕາເວັນອອກສຽງໃຕ້ (ຫຼື ອາຊຽນ). ທ່ານ Rosario ສະແດງຄວາມເຊື່ອໝັ້ນຕໍ່ບົດບາດຂອງການນຳອາຊຽນຄົນໃໝ່, ທ່ານ ເລເລືອງມິນ, ແມ່ນຊາວຫວຽດນາມ ຜູ້ທຳອິດເປັນເລຂາທິການໃຫຍ່ອາຊຽນ, ພ້ອມທັງເປັນນັກການທູດອາວຸໂສ, ມີຄວາມຊຳນານງານໃນບັນດາບັນຫາສາກົນ. ທ່ານ Rosario ເນັ້ນໜັກວ່າການປ່ຽນການນຳໃນຈຸດເວລາ ອາຊຽນ ພວມປະສົບບັນດາການທ້າທາຍໃນການສ້າງຄວາມເປັນເອກະພາບໃນບາງບັນຫາສຳຄັນຂອງພາກພື້ນ ແຕ່ ທ່ານກໍ່ສະແດງຄວາມເຊື່ອໝັ້ນວ່າດ້ວຍຄວາມຮູ້ຄວາມສາມາດ ແລະ ລະດັບວິຊາຊີບທີ່ດີຂອງຕົນ ທ່ານ ເລເລືອງມິນ ຈະແກ້ໄຂໄດ້ບັນດາການທ້າທາຍຂອງ ອາຊຽນ ເມື່ອ 10 ປະເທດສະມາຊິກພ້ອມກັນເຮັດວຽກມຸ້ງໄປເຖິງການສ້າງຕັ້ງປະຊາຄົມມີພື້ນຖານການເມືອງສະໜິດຕິດພັນ, ເສດຖະກິດເຊື່ອມໂຍງ ແລະ ມີຄວາມຮັບຜິດຊອບຕໍ່ສັງຄົມ.
ກ່ອນໜ້ານັ້ນ, ວັນທີ 1/1/2013, ທ່ານ ເລເລືອງມິນ ສະບານຕົວເຂົ້າດຳລົງຕຳແໜ່ງເປັນເລຂາທິການໃຫຍ່ໝູນວຽນຂອງ ອາຊຽນ ອາຍຸການ 5 ປີ