![ຟີລິບປີນກ່າວຫາຈີນກໍ່ສ້າງເກາະທຽມຢ່າງປິດລັບ - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2016_09_07/0609scarborough.jpg)
ຫາດດອນຫີນ Scarborough
|
(vovworld) – ວັນທີ 7/9, ຟີລິບປິນ ໄດ້ປະກາດບັນດາຮູບພາບໂດຍສະແດງໃຫ້ເຫັນວ່າ ຈີນ ເລີ່ມກໍ່ສ້າງເກາະທຽມຢູ່ ຫາດດອນຫີນ Scarborough ທີ່ພວມມີການຂັດແຍ້ງກັນຢູ່ທະເລຕາເວັນອອກຢ່າງປິດລັບ. ບັນດາຮູບພາບດັ່ງກ່າວໄດ້ຖ່າຍຈາກບັນດາກຳ່ປັ່ນຂອງ ຈີນ ຊຶ່ງ ຟີລິບປິນ ຖືວ່າອາດຈະແມ່ນການຂຸດເອົາຂີ້ຊາຍ ກໍ່ຄືດຳເນີນບັນດາການເຄື່ອນໄຫວອື່ນໆເພື່ອແນໃສ່ກໍ່ສ້າງເກາະທຽມຢູ່ຫາດດອນຫີນ Scarborough. ໂຄສົກກະຊວງປ້ອງກັນປະເທດ ຟີລິບປິນ Arsenio Andolong ໃຫ້ຮູ້ວ່າ: ຟີລິບປິນ ພວມສືບຕໍ່ຕິດຕາມການຜັນແປ “ທີ່ວິຕົກວັງວົນ” ນີ້.
ບັນດາຮູບພາບນີ້ໄດ້ປະກາດກ່ອນທີ່ດຳເນີນບັນດາການພົບປະລະຫວ່າງບັນດາການນຳ ອາຊຽນ ກັບທ່ານນາຍົກລັດຖະມົນຕີ ຈີນ ຫຼີເຄີຊຽງ ຢູ່ລາວ, ໃນຂອບເຂດກອງປະຊຸມສຸດຍອດ ອາຊຽນ ແລະ ບັນດາກອງປະຊຸມສຸດຍອດອື່ນໆ.