ມີ 143 ບົດໜັງສືພິມໄດ້ລອດເຂົ້າຮອບຊະນະເລີດລາງວັນສື່ມວນຊົນແຫ່ງຊາດ 2015
ນັກຂ່າວ ຖ້ວນຮິ້ວ ປະທານສະມາຄົມນັກຂ່າວຫວຽດນາມ, ປະທານສະພາກວດສອບຮອບຊິງຊະນະເລີດລາງວັນສື່ມວນຊົນແຫ່ງຊາດປີ 2015
|
(vovworld)- ຕອນເຊົ້າວັນທີ 3/6, ຢູ່ຮ່າໂນ້ຍ, ສະພາກວດສອບຮອບຊິງຊະນະເລີດລາງວັນສື່ມວນຊົນແຫ່ງຊາດຄັ້ງທີ 10 ປີ 2015 ໄດ້ດຳເນີນການໃຫ້ຄະແນນຮອບຊະນະເລີດ ເພື່ອເລືອກເຟັ້ນເອົາບັນດາບົດໜັງສືພິມທີ່ດີເດັ່ນເພື່ອພິຈາລະນາມອບລາງວັນສື່ມວນຊົນແຫ່ງຊາດ. ມີ 143 ບົດໜັງສືພິມໄດ້ລອດເຂົ້າຮອບຊະນະເລີດລາງວັນສື່ມວນຊົນແຫ່ງຊາດ 2015. ກ່າວຄຳເຫັນນະທີ່ນີ້, ນັກຂ່າວ ຖ້ວນຮິ້ວ ປະທານສະມາຄົມນັກຂ່າວຫວຽດນາມ, ປະທານສະພາກວດສອບຮອບຊິງຊະນະເລີດລາງວັນສື່ມວນຊົນແຫ່ງຊາດປີ 2015 ໄດ້ຊີ້ແຈ້ງວ່າ ນີ້ແມ່ນເຫດການໃຫຍ່ຂອງວົງການສື່ມວນຊົນຫວຽດນາມ, ແມ່ນລາງວັນອັນສູງສົ່ງເພື່ອມອບໃຫ້ບັນດາບົດໜັງສືພິມທີ່ດີເດັ່ນ, ເຊີດຊູບັນດານັກຂ່າວ, ກຸ່ມນັກຂ່າວທີ່ມີບົດໜັງສືພິມທີ່ດີເດັ່ນທີ່ສຸດໃນແຕ່ລະປີ. ກ່ຽວກັບຄຸນນະພາບຂອງບັນດາບົດໜັງສືພິມທີ່ເຂົ້າຮ່ວມການແຂ່ງຂັນ, ນັກຂ່າວມາຍດຶກລົກ ໃຫ້ຂໍ້ສັງເກດວ່າ :
“ ຕາມການຕີລາຄາຂອງບັນດາອະນຸກຳມະການ, ສະພາກວດສອບ, ບັນດາບົດໜັງສືພິມທີ່ເຂົ້າຮ່ວມການແຂ່ງຂັນ, ເບິ່ງລວມແລ້ວ ແມ່ນມີຄວາມສະໝ່ຳສະເໝີ ທາງດ້ານຄຸນນະພາບ. ຈຳນວນບົດນຳ, ບົດວິເຄາະ, ວິເຄາະຫົວເລື່ອງ ແມ່ນໄດ້ເພີ່ມຂຶ້ນເມື່ອທຽບໃສ່ປີ 2014, ມີເນື້ອໃນຕິດແທດຕົວຈິງກ່ວາເກົ່າ ”