ມີ 35 ຜົນງານຍາດໄດ້ລາງວັນສື່ມວນຊົນທົ່ວປະເທດດ້ວຍຫົວຂໍ້ “ສື່ມວນຊົນກັບວຽກງານຕໍ່ສູ້ປ້ອງກັນ, ຕ້ານໄພສໍ້ລາດບັງຫຼວງ, ຟຸມເຟືອຍ” ຄັ້ງທີ II
(VOVWORLD) -ພິທີມອບລາງວັນ “ສື່ມວນຊົນກັບວຽກງານຕໍ່ສູ້ປ້ອງກັນ, ຕ້ານໄພສໍ້ລາດບັງຫຼວງ, ຄວາມຟຸມເຟືອຍ” ຄັ້ງທີ II, ປີ 2018 -2019 ຈະດຳເນີນໃນວັນທີ 15 ສິງຫາ, ຢູ່ຮ່າໂນ້ຍ. ປີນີ້ມີ ຜົນງານປະເພດຕ່າງໆ 35 ຢ່າງ ຄື: ສື່ສິ່ງພິມ, ສື່ເອເລັກໂຕນິກ, ການກະຈາຍສຽງ, ໂທລະພາບໄດ້ຮັບການຄັດເລືອກຈາກຄະນະຈັດຕັ້ງເພື່ອມອບຂອງຂວັນ.
 ທ່ານ ເຈິ່ນແທງເໝີນ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ (ພາບ: VTV) |
ທີ່ການຖະແຫຼງຂ່າວໃນວັນທີ 31 ກໍລະກົດ, ທ່ານ ເຈິ່ນແທງເໝີນ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ, ຫົວໜ້າຄະນະຊີ້ນຳການແຂ່ງຂັນສື່ມວນຊົນທົ່ວປະເທດດ້ວຍຫົວຂໍ້ “ສື່ມວນຊົນກັບວຽກງານຕໍ່ສູ້ປ້ອງກັນ, ຕ້ານໄພສໍ້ລາດບັງຫຼວງ, ຄວາມຟຸມເຟືອຍ” ຄັ້ງທີ II, ໄດ້ຮັບຮູ້ບັນດາຄວາມມານະພະຍາຍາມຂອງຖັນແຖວນັກຂ່າວທີ່ເຂົ້າຮ່ວມການສືບສວນສອບສວນຕ້ານການສໍ້ລາດບັງຫຼວງ, ຄວາມຟຸມເຟືອຍ. ທ່ານກ່າວວ່າ:
ໃນຄັ້ງນີ້ຕ້ອງເນັ້ນໜັກເຖິງຈິດໃຈຂອງປະຊາຊົນສຳລັບວຽກງານການຕໍ່ສູ້ປ້ອງກັນ ແລະ ຕ້ານໄພສໍ້ລາດບັງຫຼວງ, ຄວາມຟຸມເຟືອຍ. ເນັ້ນໜັ້ກເຖິງການຜັນຂະຫຍາຍປະຊາທິປະໄຕ, ເສີມຂະຫຍາຍບົດບາດຂອງແນວໂຮມປະເທດຊາດທີ່ເປັນຕົວແທນໃຫ້ສຽງເວົ້າຂອງປະຊາຊົນ. ເນັ້ນໜັກເຖິງການຕິດຕາມກວດກາການຕີລາຄາຂອງສັງຄົມຄືຄຳເວົ້າຂອງທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູ໊ຈ້ອງ ວ່າ: ກິດຈະການປ້ອງກັນ ແລະ ຕ້ານການສໍ້ລາດບັງຫຼວງຈະສຳເລັດຫຼືບໍ່ ນັ້ນແມ່ນຕ້ອງມີບົດບາດຂອງແນວໂຮມໃນການຂົນຂວາຍປະຊາຊົນທຸກຊັ້ນວັນນະ”.