ມີກ່ວາ 300.000 ຄົນໃນໂລກຖືກຕິດເຊື້ອໄວຣັດ SARS-CoV-2
(VOVWORLD) - ໄລ່ຮອດເວລາ 4 ໂມງຂອງວັນທີ 22 ມີນາ ຕາມເວລາຫວຽດນາມ, ໃນທົ່ວໂລກ ມີປະຊາຊົນເກືອບ 13.000 ຄົນໄດ້ເສຍຊີວິດ ນັບແຕ່ພະຍາດອັກເສບປອດທີ່ເກີດຈາກ ເຊື້ອໄວຣັດ SARS-CoV-2 (ໂຄວິດ-19) ໄດ້ເກີດເມື່ອເດືອນທັນວາປີ 2019.
ພາບ: AFP/TTXVN
|
ໃນ 24 ຊົ່ວໂມງທີ່ຜ່ານມາ, ທົ່ວໂລກໄດ້ກວດພົບຜູ້ຕິດເຊື້ອພະຍາດໃໝ່ຕື່ມອີກ 32.485 ຄົນ ຊື່ງເຮັດໃຫ້ຈຳນວນຜູ້ຕິດເຊື້ອພະຍາດທັງໝົດໃນທົ່ວໂລກແມ່ນຫຼາຍກວ່າ 303.000 ຄົນຢູ່ 188 ປະເທດ ແລະ ເຂດແຄ້ວນ.
ປະເທດອີຕາລີ ມີຜູ້ເສຍຊີວິດ 4.825 ຄົນໃນຈຳນວນຜູ້ຕິດເຊື້ອພະຍາດທັງໝົດແມ່ນ 53.758 ຄົນ.
ປະເທດຈີນມີ 81.008 ຄົນຕິດ ເຊື້ອໄວຣັດ SARS-CoV-2 ມີຜູ້ເສຍຊີວິດ 3225 ຄົນ. ບັນດາປະເທດທີ່ມີຈຳນວນຜູ້ເສຍຊີວິດສູງ ຖັດຈາກອີຕາລີ ແລະ ຈີນ ແມ່ນອີຣານ ດ້ວຍຈຳນວນ 1.556 ຄົນ, ແອັດສະປາຍມີ 1.326 ຄົນ ແລະ ຝະລັ່ງແມ່ນ 562 ຄົນ.