(ທີ່ກອງປະຊຸມສະຫຼຸບການເຄື່ອນໄຫວໃນປີ 2024, ຜັນຂະຫຍາຍໜ້າທີ່ໃນປີ 2025)

        ໃນປີ 2024, ສູນກາງສະມາຄົມອຸປະກາລະຄົນພິການ ແລະ ເດັກກຳພ້າ ຫວຽດນາມ ແລະ ບັນດາສະມາຄົມແຂວງ, ນະຄອນ ໄດ້ໜູນຊ່ວຍຄົນພິການ ແລະ ເດັກກຳພ້າ, ຜູ້ທຸກຍາກ, ບັນດາເປົ້າໝາຍປະສົບກັບຄວາມຫຍຸ້ງຍາກໄດ້ກວ່າ 3 ລ້ານເທື່ອຄົນ, ດ້ວຍຍອດຈຳນວນເງິນ 725,8 ຕື້ດົ່ງ (ປະມານ 30 ລ້ານ USD). ນີ້ແມ່ນແຫຼ່ງຂໍ້ມູນເຊິ່ງສູນກາງສະພາອຸປະກາລະຄົນພິການຍົກອອກມາ ທີ່ກອງປະຊຸມສະຫຼຸບການເຄື່ອນໄຫວໃນປີ 2024, ຜັນຂະຫຍາຍໜ້າທີ່ໃນປີ 2025 ແລະ ປຸກລະດົມລາຍການ “ຮ່ວມແຮງຮ່ວມໃຈໜູນຊ່ວຍຄົນພິການ ແລະ ເດັກກຳພ້າ” ເຊິ່ງຖືກຈັດຂຶ້ນໃນຕອນເຊົ້າວັນທີ 13 ທັນວາ, ຢູ່ ຮ່າໂນ້ຍ.

        ໃນປີ 2025, ສະມາຄົມອຸປະກາລະຄົນພິການ ແລະ ເດັກກຳພ້າ ຫວຽດນາມ ສືບຕໍ່ຊຸມໃສ່ຂົນຂວາຍແຫຼ່ງກຳລັງຫັນເປັນສັງຄົມ ເພື່ອຜັນຂະຫຍາຍບັນດາລາຍການອຸປະກາລະມີຈຸດສຸມ. ພ້ອມກັນນັ້ນ, ທາງສະມາຄົມກໍ່ມານະພະຍາຍາມຫັນປ່ຽນຢ່າງແຮງໄປສູ່ການໜູນຊ່ວຍຢ່າງຮອບດ້ານ ແລະ ຍືນຍົງ, ຖືການໜູນຊ່ວຍໃນການຮຽນວິຊາຊີບ, ວຽກເຮັດງານທຳ, ໜູນຊ່ວຍການຫາເງິນລ້ຽງຊີບເປັນຈຸດສຸມ. ສອນວິຊາຊີບ ແລະ ສ້າງການຫາເງິນລ້ຽງຊີບໃຫ້ຄົນພິການ 1.200 ຄົນ, ຝຶກອົບຮົມ, ຍົກສູງກຳລັງຄວາມສາມາດໃຫ້ແກ່ 2.000 ເປົ້າໝາຍ.

ເນື່ອງໃນໂອກາດນີິ້, ສະມາຄົມອຸປະກາລະຄົນພິການ ແລະ ເດັກກຳພ້າ ຫວຽດນາມ ກໍ່ໄດ້ປຸກລະດົມລາຍການ “ຮ່ວມແຮງຮ່ວມໃຈໜູນຊ່ວຍຄົນພິການ ແລະ ເດັກກຳພ້າ”