ການພົບປະແລກປ່ຽນວັດທະນະທຳຫວຽດນາມ - ລາວ
( ພາບ: .vietnamplus.vn )
( vovworld ) – ດ້ວຍຫົວຂໍ້ວ່າ “ ມຸ່ງໄປສູ່ຕົ້ນກຳເນີດແຫ່ງນ້ຳໃຈສາມັກຄີຫວຽດນາມ - ລາວ ”, ຕອນຄໍ່າວັນທີ 24/4, ຢູ່ແຂວງ Son La ໄດ້ດຳເນີນຄໍ່າຄືນພົບປະແລກປ່ຽນວັດທະນະທຳຫວຽດນາມ - ລາວ. ນີ້ແມ່ນໜື່ງໃນບັນດາການເຄື່ອນໄຫວເຊິ່ງນອນໃນຂອບເຂດກອງປະຊຸມຮ່ວມມືສະພາແຫ່ງຊາດຫວຽດນາມ - ລາວ ຄວາມສາມັກຄີມິດຕະພາບເຊິ່ງໄດ້ຈັດຂຶ້ນຢູ່ນະຄອນ Son La, ແຂວງ Son La. ການພົບປະແລກປ່ຽນໄດ້ທົບທວນຄືນມູນເຊື້ອຂອງສາຍພົວພັນສາມັກຄີແບບພິເສດສະໜິດສະໜົມລະຫວ່າງສອງປະເທດໃນຕະຫຼອດຊຸມປີທີ່ຜ່ານມາ. ສອງປະເທດບ້ານໃກ້ເຮືອນຄຽງ, ຫວຽດນາມ ແລະ ລາວ ມີການພົວພົນມິດຕະພາບອັນເປັນມູນເຊື້ອຄວາມສາມັກຄີແບບພິເສດ ແລະ ການຮ່ວມມືຮອບດ້ານ. ສາຍພົວພັນນັ້ນ ໂດຍແມ່ນປະທານ ໂຮ່ຈິມິນ, ປະທານ ໄກສອນ ພົມວິຫານ, ພ້ອມກັບສອງພັກ, ສອງລັດ ແລະ ປະຊາຊົນສອງປະເທດໄດ້ເພີ່ມພູນຄຸນສ້າງຂຶ້ນ. ກ່າວຄຳເຫັນທີ່ການພົວປະແລກປ່ຽນ, ທ່ານປະທານສະພາແຫ່ງຊາດ Nguyen Sinh Hung ຢືນຢັນວ່າ
“ ອາດເວົ້າໄດ້ວ່າບໍ່ມີຄຳໃດໃນພາສາຫວຽດນາມ ແລະ ພາສາລາວ ສາມາດພັນລະນາຈົນສຸດກ່ຽວກັບຄວາມໝາຍຂອງມູນເຊື້ອມິດຕະພາບ, ນ້ຳໃຈພິເສດອັນຍິ່ງໃຫຍ່ ແລະ ຄວາມຜູກພັນຢ່າງກົມກຽວໜຽວແໜ້ນລະຫວ່າງສອງຊາດພວກເຮົາ. ຂ້າພະເຈົ້າເຊື່ອໝັ້ນຢ່າງແນວແນ່ ແລະ ເຂົ້າໃຈຢ່າງເລິກເຊິ່ງວ່າ ປະຊາຊົນຫວຽດນາມ ແລະ ລາວ ແຕ່ລະຄົນ ຈາກລຸ້ນປະຈຸບັນ ແລະ ລູກຫຼານໃນອະນາຄົດຈະຈາລຶກ, ອະນຸລັກຮັກສາ, ປົກປັກຮັກສາມູນເຊື້ອມິດຕະພາບ, ຄວາມສາມັກຄີແບບພິເສດທີ່ ແລະ ການຮ່ວມມືຮອບດ້ານລະຫວ່າງສອງຊາດພວກເຮົາ ”.
ໃນການພົບປະແລກປ່ຽນ, ບັນດາແຂກຖືກເຊີນແມ່ນສະມາຊິກສາພາແຫ່ງຊາດຫວຽດນາມ - ລາວ, ຜູ້ຕາງໜ້າການນຳບັນດາແຂວງພາກເໜືອຂອງລາວ ແລະ ຫວຽດນາມ ໄດ້ແລກປ່ຽນກ່ຽວກັບການພົວພັນລະຫວ່າງສອງປະເທດ, ສອງສະພາແຫ່ງຊາດ; ກ່ຽວກັບການພົວພັນຮ່ວມມືເສດຖະກິດ, ສັງຄົມ ລະຫວ່າງບັນດາແຂວງທີ່ມີເສັ້ນຊາຍແດນຮ່ວມ. ບັນດາແຂກຖືກເຊີນລ້ວນແຕ່ຢືນຢັນການຮ່ວມມືມິດຕະພາບແບບພິເສດທີ່ເປັນມູນເຊື້ອລະຫວ່າງສອງປະເທດຫວຽດນາມ - ລາວ ນັບມື້ນັບເຂົ້າສູ່ລວງເລິກ, ນັ້ນແມ່ນເງື່ອນໄຂສະດວກເພື່ອໃຫ້ບັນດາກະຊວງ, ຂະແໜງການ ແລະ ທ້ອງຖິ່ນຕ່າງໆ ເປີດກວ້າງການຮ່ວມມືໃນທຸກໆຂົງເຂດເຊິ່ງສອງພັກ, ສອງລັດ ແລະ ສອງສະພາແຫ່ງຊາດໄດ້ຕົກລົງນຳກັນ.