(vovworld) – ໂດຍສືບຕໍ່ກອງປະຊຸມຄັ້ງທີ 20, ຕອນເຊົ້າວັນທີ 15/8, ຄະນະປະຈຳສະພາແຫ່ງຊາດໄດ້ປະກອບຄຳເຫັນກ່ຽວກັບຮ່າງກົດໝາຍວ່າດ້ວຍພາສີ (ສະບັບປັບປຸງ). ເມື່ອປຶກສາຫາລືທີ່ກອງປະຊຸມ, ມີຫຼາຍຄຳເຫັນຖືວ່າ: ໃນເງື່ອນໄຂປະຈຸບັນ, ເລື່ອງປັບປຸງກົດໝາຍຕ້ອງໄປຕາມທິດຍົກສູງບົດບາດຂອງພາສີໃນການຊຸກຍູ້ການເຄື່ອນໄຫວສົ່ງອອກ, ນຳເຂົ້າສິນຄ້າກ່ວາອີກ, ພ້ອມທັງຈຳກັດການກະທົບທີ່ຫຍໍ້ທໍ້ຂອງບັນດາມາດຕະການຕ້ານການຄ້າເຖື່ອນ. ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ສະເໜີຮ່າງກົດໝາຍຄວນມີບັນດາຂໍ້ກຳນົດເພື່ອແນໃສ່ຫລຸດຜ່ອນລາຍຈ່າຍກ່ຽວກັບພາສີໃຫ້ແກ່ການເຄື່ອນໄຫວນຳເຂົ້າ - ສົ່ງອອກສິນຄ້າ, ຫັນເຮັດລະບຽບການພາສີຢ່າງໂປງໄສ:
“ບັນດາຂໍ້ກຳນົດຂອງຮ່າງກົດໝາຍຕ້ອງຫັນລະບຽບການພາສີໃຫ້ຈໂປງໄສ. ດ້ານໜຶ່ງພວກເຮົາຮັບປະກັນວຽກງານຄຸ້ມຄອງແຫ່ງລັດ, ດ້ານອື່ນແມ່ນສ້າງລະບຽບການພາສີທີ່ມີຄວາມສະໜິດສະໜົມກັບວິສາຫະກິດໃນການເຄື່ອນໄຫວນຳເຂົ້າ - ສົ່ງອອກສິນຄ້າ. ບັນຫາສຳຄັນໜຶ່ງອີກແມ່ນບັນດາຂໍ້ກຳນົດກ່ຽວຂ້ອງເຖິງສິດພື້ນຖານຂອງພົນລະເມືອງ ພິເສດແມ່ນມາດຕະການຕ່າງໆຄືຕ້ານການຄ້າເຖື່ອນ, ຂົນສົ່ງສິນຄ້າຜ່ານຊາຍແດນຕ້ອງເໝາະສົມກັບລັດຖະທຳມະນູນທີ່ພວມປະກາດໃຊ້ກໍ່ຄືການປັບປຸງລັດຖະທຳມະນູນ.”
ແລະກໍ່ໃນຕອນບ່າຍວັນດຽວກັນ, ຄະນະປະຈຳສະພາແຫ່ງຊາດ ໄດ້ປະກອບຄຳເຫັນໃສ່ບົດລາຍງານຕິດຕາມກວດກາການປະຕິບັດນະໂຍບາຍ, ກົດໝາຍກ່ຽວກັບການຮັບປະກັນຄຸນນະພາບ ແລະ ລາຍການ, ປື້ມຫຼັກສຸດສາມັນສຶກສາ.