ມຸ່ງໄປເຖິງຈຸດໝາຍຄວາມສະເໝີພາບລະຫວ່າງຍິງ-ຊາຍເພື່ອຄວາມກ້າວໜ້າຂອງແມ່ຍິງ
(ພາບປະກອບ)
(vovworld) - ວັນທີ 12/08 ຢູ່ ຮ່າໂນ້ຍ, ສູນກາງສະຫະພັນແມ່ຍິງ ຫວຽດນາມ ສົມທົບກັບກະຊວງແຜນການ ແລະ ການລົງທຶນ, ສູນຄົ້ນຄວ້າສິ່ງແວດລ້ອມ ແລະ ປະຊາຄົມຈັດຕັ້ງກອງປະຊຸມສຳມະນາທາບທາມຄຳເຫັນກ່ຽວກັບການປະຕິບັດຈຸດໝາຍ 5 (ຈຸດໝາຍສະເພາະກ່ຽວກັບເພດ) ທີ່ນອນໃນໂຄງການດຳເນີນງານ 2030 ເພື່ອການພັດທະນາແບບຍືນຍົງ. ກ່າວຄຳເຫັນທີ່ກອງປະຊຸມສຳມະນາ, ທ່ານນາງ ຫງວຽນທິທູຮ່າ ປະທານສະຫະພັນແມ່ຍິງ ຫວຽດນາມ ເນັ້ນໜັກວ່າ: ວຽກງານສະເໝີພາບລະຫວ່າງ ຍິງ - ຊາຍ ເພື່ອຄວາມກ້າວໜ້າຂອງແມ່ຍິງ ໄດ້ຮັບການເອົາໃຈໃສ່ເປັນພິເສດຈາກພັກ ແລະ ລັດຖະບານ ຫວຽດນາມ, ຖືນັ້ນທັງເປັນຈຸດໝາຍ ທັງເປັນປັດໃຈມະນຸດ ປະກອບສ່ວນເຂົ້າການພັດທະນາເສດຖະກິດຂອງປະເທດຊາດ. ຜ່ານນັ້ນ, ຍູ້ແຮງບົດບາດຂອງແມ່ຍິງກ່ວາອີກ ກໍ່ຄືຢືນຢັນເຖິງຄວາມຈຳເປັນ, ຜົນປະໂຫຍດຂອງເລື່ອງເອົາໃຈໃສ່ເຖິງແມ່ຍິງໃນວິວັດການພັດທະນາຂອງແຕ່ລະປະເທດ.
ແລະກໍ່ໃນກອງປະຊຸມສຳມະນາ, ທ່ານນາງ Pratibha Mehta ຜູ້ປະສານງານຂອງ ສປຊ ປະຈຳ ຫວຽດນາມ ໃຫ້ຮູ້ວ່າ: ສປຊ ພວມພ້ອມກັບລັດຖະບານ ຫວຽດນາມ ປຶກສາຫາລືກ່ຽວກັບແຜນການພັດທະນາຂອງ ຫວຽດນາມ ໃນ 5 ປີຈະມາເຖິງ, ໃນນັ້ນ ບັນຫາໄດ້ຮັບຄວາມເອົາໃຈໃສ່ແຖວໜ້າແມ່ນບັນຫາກ່ຽວກັບເພດ ແລະ ຄວາມສະເໝີພາບລະຫວ່າງຍິງ - ຊາຍ