( vovworld ) - ຕາມຕົວເລກສະຖິຕິຂອງກົມໃຫຍ່ທ່ອງທ່ຽວແລ້ວ, ໃນ 5 ເດືອນຕົ້ນປີ 2012 ຈຳນວນແຂກທ່ອງທ່ຽວສາກົນມາຫວຽດນາມບັນລຸເກືອບ 3 ລ້ານເທື່ອຄົນ, ເພີ່ມຂຶ້ນເກືອບ 18% ເມື່ອທຽບໃສ່ກັບໄລຍະດຽວກັນຂອງປີ 2011. ໃນນັ້ນ, ຈຳນວນແຂກມາທ່ຽວ, ພັກຜ່ອນກວ່າ 1,7 ລ້ານເທື່ອຄົນ… ນັກທ່ອງທ່ຽວມາຫວຽດນາມ ຫຼາຍສຸດແມ່ນນັກທ່ອງທ່ຽວທີ່ມາຈາກລັດເຊຍ ເພາະຢາມໃດເຂົາເຈົ້າກໍເລືອກເອົາຫວຽດນາມ ເຊິ່ງແມ່ນສະຖານທີ່ດຶງດູດໃຈ. ພິເສດແມ່ນບັນດາຫາດຊາຍທະເລ, ບັນດານະຄອນທ່ອງທ່ຽວຂອງພາກກາງ ຍາມໃດກໍມີນັກທ່ອງທ່ຽວລັດເຊຍມາທ່ຽວຄື ໂຮ້ຍອານ, ຍາຈາງ, ບິ່ງທ້ວນ. ບັນດາບໍລິສັດທ່ອງທ່ຽວຂອງລັດເຊຍ ໄດ້ຈັດສົ່ງບັນດາຄະນະນັກທ່ອງທ່ຽວມາຢ້ຽມຢາມ, ພິຈາລະນາຄວາມສາມາດບົມຊ້ອນ, ຜະລິດຕະພັນທ່ອງທ່ຽວຢູ່ນະຄອນດານັ້ງ ແລະ ທາງພາກກາງ. ຕາມແຜນການ, ແຕ່ເດືອນ 5 – 10/2012, ຄາດວ່າ ດານັ້ງ ຈະຕ້ອນຮັບ 54 ຖ້ຽວບິນເໝົາລຳໂດຍກົງຈາກບັນດານະຄອນຂອງລັດເຊຍ, ພານັກທ່ອງທ່ຽວມາທ່ຽວຢູ່ພາກກາງຫວຽດນາມກວ່າ 1 ໝື່ນ 2 ພັນເທື່ອຄົນ…