ສະພາບການຄວາມໝັ້ນຄົງນັບມື້ນັບຮ້າຍແຮງຂຶ້ນ ບັງຄັບໃຫ້ລັດຖະບານຂອງນາຍົກລັດຖະມົນຕີນາງ Sheikh Hasina ຕ້ອງປະກາດສະພາວະສຸກເສີນໃນທົ່ວປະເທດໂດຍບໍ່ມີ ກຳນົດເວລາເລີ່ມແຕ່ເວລາ 6 ໂມງແລງຂອງວັນທີ 4 ສິງຫາ. ນີ້ແມ່ນຄັ້ງທຳອິດທີ່ລັດຖະບານ ບັງກະລາເທດມີການກະທຳຢ່າງແຮງຄືແນວນີ້ນັບແຕ່ເວລາເກີດບັນດາການເດີນຂະບວນປະທ້ວງ ແຕ່ຕົ້ນເດືອນກໍລະກົດ. ບັງກະລາເທດ ກໍ່ປະກາດວັນພັກໃນທົ່ວປະເທດທີ່ແກ່ຍາວເປັນ 3 ວັນນັບແຕ່ວັນທີ 5 ສິງຫາ.

ບັນດາເຫດເດີນຂະບວນປະທ້ວງ ແລະ ຈາລະຈົນທີ່ພວມເກີດຂຶ້ນໄດ້ຮັບຖືວ່າແມ່ນສິ່ງທ້າທາຍໃຫຍ່ທີ່ສຸດສຳລັບ ນາງນາຍົກລັດຖະມົນຕີທ່ານນາງ Sheikh Hasina ພາຍຫຼັງ 20 ປີກຳອຳນາດ. ທ່ານນາງ Hasina ໄດ້ຮັບການປະກາດຍາດໄດ້ໄຊຊະນະຕໍ່ເນື່ອງ 4 ຄັ້ງໃນການເລືອກຕັ້ງທີ່ດຳເນີນເມື່ອເດືອນມັງກອນທີ່ຜ່ານມາ. ເຖິງຢ່າງໃດກໍຕາມ, ພັກຊາດນິຍົມ ບັງກະລາເທດ - ພັກການເມືອງຝ່າຍຄ້ານຂອງປະເທດນີ້ ບໍ່ຍອມຮັບການເລືອກຕັ້ງຄັ້ງນີ້.