ພິທີມອບຂໍ້ຕົກລົງ (ພາບ: qdnd.vn)

        ຕອນບ່າຍວັນທີ 27 ທັນວາ, ຢູ່ ຮ່າໂນ້ຍ, ກະຊວງປ້ອງກັນປະເທດ ຫວຽດນາມ ໄດ້ຈັດພິທີມອບຂໍ້ຕົກລົງຂອງປະທານປະເທດໃຫ້ແກ່ນາຍທະຫານໄປປະຕິບັດໜ້າທີ່ຮັກສາສັນຕິພາບສະຫະປະຊາຊາດ ຢູ່ຄະນະປະຕິບັດງານຄວາມໝັ້ນຄົງຊົ່ວຄາວສະຫະປະຊາຊາດ ຢູ່ພາກພື້ນ Abyei (UNISFA). ຕາມນັ້ນແລ້ວ, ທ່ານພັນຕີ ຮ່ວາງດິ່ງກົງ ໄດ້ຈັດສົ່ງໄປປ່ຽນແທນທ່ານຮ້ອຍເອກ ເລເຄືອງຢຸຍ, ຮັບດຳລົງຕຳແໜ່ງນາຍທະຫານເສນາທິການກິດຈະກຳເບົາຢູ່ຄະນະປະຕິບັດງານ UNISFA.

        ເນື່ອງໃນໂອກາດນີ້, ທ່ານພົນໂທ ຟຸ່ງຊີ້ເຕິນ, ຮອງເສນາທິການໃຫຍ່ກອງທັບປະຊາຊົນ ຫວຽດນາມ, ຮອງຫົວໜ້າກົມປະຕິບັດງານລະຫວ່າງຂະແໜງ, ຮອງຫົວໜ້າຄະນະຊີ້ນຳກະຊວງປ້ອງກັນປະເທດ ກ່ຽວກັບການເຂົ້າຮ່ວມການເຄື່ອນໄຫວຮັກສາສັນຕິພາບສະຫະປະຊາຊາດ, ກໍ່ຮຽກຮ້ອງໃຫ້ກົມຮັກສາສັນຕິພາບ ຫວຽດນາມ ສືບຕໍ່ເພີ່ມທະວີວຽກງານຄັດເລືອກບຸກຄະລາກອນ, ກະກຽມກຳລັງໃຫ້ຊຸມປີຕໍ່ໄປ ເພື່ອຄັດເລືອກບັນດາພະນັກງານມີຄຸນນະທາດ ແລະ ກຳລັງຄວາມສາມາດຢ່າງພຽງພໍ ຕອບສະໜອງຄວາມຮຽກຮ້ອງຂອງໜ້າທີ່; ຄົ້ນຄວ້າຄວາມສາມາດຜັນຂະຫຍາຍກຳລັງຮັບບັນດາຕຳແໜ່ງຜູ້ບັນຊາໃນຄະນະປະຕິບັດງານ.