ມອບຂໍ້ຕົກລົງແຕ່ງຕັ້ງພະນັກງານ ໄອຍະການ ແລະ ຜູ້ພິພາກສາ
ທ່ານປະທານປະເທດ Truong Tan Sang ມອບ ຂໍ້ຕົກລົງແຕ່ງຕັ້ງພະນັກງານ ໄອຍະການ ແລະ ຜູ້ພິພາກສາ
(ພາບ: Nguyễn Khang/TTXVN)
(vovworld) - ຕອນບ່າຍວັນທີ 20/8, ທ່ານປະທານປະເທດຫວຽດນາມ Truong Tan Sang ໄດ້ເຂົ້າຮ່ວມພິທີປະກາດຕຳແໜ່ງ ແລະ ມອບຂໍ້ຕົກລົງແຕ່ງຕັ້ງໃຫ້ແກ່ພະນັກງານ ສັງກັດອົງການໄອຍະການປະຊາຊົນສູງສຸດ, ໄອຍະການທະຫານສູນກາງ ແລະ ຜູ້ພິພາກສາສານທະຫານສູນກາງ 30 ທ່ານ;
ທ່ານປະທານປະເທດ Truong Tan Sang ເນັ້ນໜັກວ່າ: ວຽກງານປະຕິຮູບດ້ານຕຸລາການຕາມແຜນນະໂຍບາຍຂອງພັກ, ພວມກ້າວເຂົ້າສູ່ໄລຍະສຳຄັນພິເສດ, ຕິດພັນກັບແຜນນະໂຍບາຍປ່ຽນແປງລັດຖະທຳມະນູນປີ 1992, ເພື່ອແນໃສ່ຕອບສະໜອງຄວາມຮຽກຮ້ອງຕ້ອງການຂອງສະພາບການໃໝ່ ຕາມຈິດໃຈມະຕິກອງປະຊຸມໃຫຍ່ຄັ້ງທີ 11 ຂອງພັກກອມມູນິດຫວຽດນາມ. ມີຫຼາຍບັນຫາສຳຄັນພວມໄດ້ວາງອອກ ກັບບັນດາອົງການຕຸລາການເວົ້າລວມ, ໃນນັ້ນ ເປັນແກ່ນສານແມ່ນສານ ແລະ ໄອຍະການ. ທ່ານປະທານປະເທດ ຫວັງວ່າ: ໃນໄລຍະຈະມາເຖິງ ຂະແໜງສານ, ໄອຍະການ ຈະສືບຕໍ່ເສີມຂະຫຍາຍມູນເຊື້ອສາມັກຄີ ແລະ ບັນດາຜົນງານບັນລຸໄດ້, ສູ້ຊົນສ້າງຜົນງານຫຼາຍຢ່າງກ່ວາອີກ ເພື່ອຈຸດໝາຍ “ສ້າງລະບົບຕຸລາການໂປ່ງໃສ, ເຂັ້ມແຂງ, ປົກປ້ອງຄວາມຍຸຕິທຳ, ເຄົາລົບ ແລະ ປົກປ້ອງສິດທິມະນຸດ”