( vovworld ) - ຕອນເຊົ້າວັນທີ 3/3, ຢູ່ຮ່າໂນ້ຍ, ສະຫະພັນແມ່ຍິງຫວຽດນາມ ໄດ້ຈັດຕັ້ງພິທີມອບລາງວັນ Kovalevskaia ມອບຊາຍຄາແຫ່ງຄວາມຮັກ, ທຶນສຶກສາໃຫ້ແກ່ນັກຮຽນຜ່ານຜ່າຄວາມຫຍຸ້ງຍາກ. ກ່າວຄຳເຫັນທີ່ພິທີ, ທ່ານ ໂຫງວັນຢຸ, ຫົວໜ້າຄະນະກຳມະການກວດກາສູນກາງພັກໄດ້ຢືນຢັນວ່າ,ໃນຊຸມປີຜ່ານມາແມ່ຍິງ ຫວຽດນາມ ດ້ວຍຄຸນນະທາດ ແລະ ມູນເຊື້ອອັນດີງາມ, ໄດ້ສະແດງຈິດໃຈຂະຫຍັນຂັນເຄື່ອນ, ມີຫົວຄິດປະດິດສ້າງ, ກ້າຄິດກ້າທຳ, ປະຕິບັດສຳເລັດໜ້າທີ່ທີ່ໄດ້ຮັບມອບໝາຍເປັນຢ່າງດີ. ລາງວັນ Kovalevskaia ໄດ້ມອບໃຫ້ນັກວິທະຍາສາດຍິງສອງຄົນທີ່ມີຜົນງານທີ່ດີເດັ່ນໃນການຄົ້ນຄວ້າວິທະຍາສາດທຳມະຊາດ. ທ່ານ ໂຫງວັນຢຸ ໄດ້ເນັ້ນໜັກວ່າ.
“ ພວກຂ້າພະເຈົ້າມີຄວາມເອກອ້າງທະນົງໃຈ, ເຊີດຊູການອຸທິດສ່ວນ, ແບບຢ່າງທີ່ມີຄວາມເກັ່ງກ້າສາມາດ, ມີພູມປັນຍາ ແລະ ມີຫົວຄິດປະດິດສ້າງຂອງແມ່ຍິງໃນການຄົ້ນຄວ້າ, ນຳໃຊ້ວິທະຍາສາດເຕັກໂນໂລຊີໃນທຸກໆຂົງເຂດ. ການອຸທິດສ່ວນເຫຼົ່ານັ້ນໄດ້ຢືນຢັນບາດກ້າວພັດທະນາໃໝ່ກ່ຽວກັບຄຸນນະພາບຂອງຜູ້ຍິງ ແລະ ບົດບາດຄວາມສະເໝີພາບຂອງແມ່ຍິງໃນການເຄື່ອນໄຫວທຸກດ້ານຂອງຊີວິດສັງຄົມ. ພັກ ແລະ ລັດ ຍາມໃດກໍຮັບຮູ້ບັນດາການປະກອບສ່ວນອັນໃຫຍ່ຫຼວງຂອງແມ່ຍິງຫວຽດນາມ ແລະ ຈະສືບຕໍ່ສ້າງເງື່ອນໄຂສະດວກໃນທຸກໆດ້ານ ເພື່ອໃຫ້ແມ່ຍິງເສີມຂະຫຍາຍຄວາມສາມາດບົ່ມຊ້ອນຫົວຄິດປະດິດສ້າງຂອງຕົນຫຼາຍກ່ວາອີກ. ພັກ, ລັດ ປາດຖະໜາ ແລະ ເຊື້ອໝັ້ນວ່າ ນັບມື້ນັບມີແມ່ຍິງຫຼາຍຄົນໄດ້ຮັບການເຊີດຊູ ແລະ ອຸທິດສ່ວນຫຼາຍກວ່າໃຫ້ແກ່ການພັດທະນາປະເທດຊາດ.”