(vovworld) - ໃນຂອບເຂດງານ Festival ຊາວໜູ່ມຊົນນະບົດທົ່ວປະເທດຄັ້ງທີ 1 ເຊິ່ງດຳເນີນໄປຢູ່ແຂວງ ແທງຮ໋ວາ (Thanh Hoa) ໃນຕອນເຊົ້າວັນທີ 24/11, ສູນກາງຊາວໜຸ່ມກອມມູນິດໂຮ່ຈິມິນ ໄດ້ຈັດຕັ້ງພິທີມອບລາງວັນ ເລືອງດິ່ງກວາ (Luong Dinh Cua) ຄັ້ງທີ 7. ນີ້ແມ່ນລາງວັນປະຈຳປີທີ່ສະຫງວນໃຫ້ໄວໜຸ່ມຊົນນະບົດທີ່ມີຜົນງານດີເດັ່ນໃນການຜະລິດ, ດຳເນີນທຸລະກິດ, ມອບໂອນຄວາມກ້າວໜ້າດ້ານວິທະຍາສາດ, ເຕັກໂນໂລຊີ, ພັດທະນາຂະແໜງອາຊີບ, ປົກປັກຮັກສາສິ່ງແວດລ້ອມ ແລະ ກໍ່ສ້າງຊົນນະບົດໃໝ່; ພ້ອມທັງປະກອບສ່ວນເຂົ້າໃນການເຄື່ອນໄຫວຂອງອົງການຊາວໜຸ່ມ, ສະມາຄົມຢູ່ທ້ອງຖິ່ນຢ່າງຕັ້ງໜ້າ. ກ່າວຄຳເຫັນທີ່ພິທີ່, ທ່ານຮອງນາຍົກລັດຖະມົນຕີຫວຽດນາມ ວຸ໋ວັນນິງ (Vu Van Ninh) ຢືນຢັນວ່າ, ຍາມໃດພັກ, ລັດຫວຽດນາມ ໄດ້ສ້າງທຸກເງື່ອນໄຂສະດວກ ແລະ ມີນະໂຍບາຍໜູນຊ່ວຍດີທີ່ສຸດເພື່ອໃຫ້ກະສິກຳ, ຊາວກະສິກອນ, ຊົນນະບົດເວົ້າລວມ ແລະ ໄວໜຸ່ມຊົນນະບົດເວົ້າສະເພາະບຸກບືນຂຶ້ນກໍຮ່າງສ້າງຕົວ, ປະກອບສ່ວນສ້າງຄວາມຮັ່ງມີໃຫ້ແກ່ຕົນເອົງ ແລະ ບ້ານເກີດເມືອງນອນ. ພ້ອມທັງສະເໜີໃຫ້ອຳນາດການປົກຄອງທຸກຂັ້ນຈົ່ງເອົາໃຈໃສ່ເຖິງໄວໜຸ່ມ ແລະ ວຽດງານຊາວໜຸ່ມໃຫ້ຫຼາຍກວ່າອີກ. ທ່ານຮອງນາຍົກລັດຖະມົນຕີ ວຸ໋ວັນນິງ (Vu Van Ninh) ເນັ້ນໜັກວ່າ.
“ຂ້າພະເຈົ້າສະເໜີໃຫ້ອົງການຊາວໜຸ່ມທຸກຂັ້ນ ຕ້ອງປະຕິບັດການປຸກລະດົມໄວໜຸ່ມອອກແຮງແຂ່ງຂັນ, ອອກແຮງງານມີຫວິຄິດປະດິດສ້າງ, ເຮັດເສດຖະກິດເກັ່ງ, ຍູ້ແຮງການຄົ້ນຄວ້າ, ນຳໃຊ້ວິທະຍາສາດເຕັກນິກເຂົ້າໃນການຜະລິດໃນທຸກຂົງເຂດຄືກະສິກຳ, ປ່າໄມ້, ການປະມົງ, ເຂົ້າຮ່ວມການກໍ່ສ້າງຊົນນະບົດໃໝ່ຢ່າງຕັ້ງໜ້າ. ຕ້ອງເພີ່ມທະວີການສົບທົບກັບບັນດາກະຊວງ, ຂະແໜງການທີ່ມີໜ້າທີ່ ຈັດຕັ້ງໃຫ້ໄວໜຸ່ມເຂົ້າຮ່ວມການພັດທະນາເສດຖະກິດສັງຄົມ; ເປັນເຈົ້າການຍົກອອກ ແລະ ຮັບຜິດຊອບວຽກງານບັນດາລາຍການ, ໂຄງການພັດທະນາເສດຖະກິດຢູ່ເຂດຫ່າງໄກ່ສອກຫຼີກ, ເຂດປະສົບກັບຄວາມຫຍຸງຍາກຂອງປະເທດຊາດ. ຈັດຕັ້ງບັນດາຮູບແບບໜູນຊ່ວຍ, ຍ້ອງຍໍສັນລະເສີນ, ເຊີດຊູບັນດາໄວໜຸ່ມທີ່ດີເດັ່ນ, ໄວໜຸ່ມຜ່ານຜ່າຄວາມຫຍຸ້ງຍາກ, ບື່ນຕົວຂຶ້ນສ້າງຄວາມຮັ່ງມີໃຫ້ຄອບຄົວ, ວົງຄະນະຍາດ ແລະ ສັງຄົມ. ”