(vovworld) – ກ່າວຄຳເຫັນທີ່ພິທີມອບລາງວັນການເສັງຂຽນບົດກ່ຽວກັບຫົວເລື່ອງ “ຮໍ່າຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ” ປີ 2013 – 2014, ເຊິ່ງຈັດຂຶ້ນໃນຕອນຄໍ່າວັນທີ 14/05, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ ຫວຽດນາມ ຫງວຽນຊວນຟຸກ ຖືວ່າ, ການຈັດຕັ້ງການເສັງແມ່ນພິທີເຮັດທີມີຫົວຄິດປະດິດສ້າງ, ປະກອບສ່ວນລະດົມທົ່ວພັກ, ທົ່ວກອງທັບ ແລະ ປະຊາຊົນທຸກຊັ້ນວັນນະ ເຂົ້າໃຈຢ່າງເລິກເຊິ່ງບັນດາເນື້ອໃນທີ່ເປັນພື້ນຖານ ແລະ ຄຸນຄ່າອັນໃຫຍ່ຫຼວງຂອງແນວຄິດ, ຄຸນສົມບັດບຸກຄະລິກະພາບໂຮ່ຈິມິນ, ຍູ້ການເສື່ອມເສຍດ້ານແນວຄິດການເມືອງ, ຄຸນສົມບັດ, ວະຖີຊີວິດ, ໄພສໍ້ລາດບັງຫຼວງ... ໃຫ້ຖອຍໄປ. ທ່ານຮອງນາຍົກລັດຖະມົນຕີປາດຖະໜາວ່າ ບັນດາອົງການສືມວນຊົນສືບຕໍ່ຕິດຕາມການດຳລົງຊີວິດ, ຄົ້ນພົບບັນດາແບບຢ່າງ, ໝູ່ຄະນະ, ສ່ວນບຸກຄົນເພື່ອທະວີຄຸນບັນດາຕົວແບບດີເດັ່ນ.
ທີ່ພິທີ, ລາງວັນທີ 1 ໄດ້ມອບໃຫ້ນັກປະພັນ ຮ່ວາງຕ໋ຽນ ດ້ວຍບົດຂຽນ “ຮໍ່າຮຽນຕາມລຸ່ງໂຮ່, ເປັນຜູ້ຮັບໃຊ້ປະຊາຊົນ”. ຄະນະຈັດຕັ້ງຍັງມອບ 3 ລາງວັນທີ 2, ແລະ ບັນດາລາງວັນອື່ນໆ… ຜູ້ຕາງໜ້າຄະນະຈັດຕັ້ງ, ບັນນາທິການໃຫຍ່ໜັງສືພິມເຍີນເຢີນ (ສຽງຂອງພັກກອມມູນິດຫວຽດນາມ), ທ້ວນຮິ້ວ ຕີລາຄາວ່າ.
“ບັນດາບົດປະພັນທີ່ໄດ້ຮັບລາງວັນໄດ້ສ່ອງແສງຊີວິດຢ່າງແທດຈິງ, ດູດດື່ມ. ຜ່ານບັນດາແບບຢ່າງດີເດັ່ນ ແລະ ປະຕິບັດຕາມຄຸນສົມບັດຂອງປະທານໂຮ່ຈິມິນ, ບັນດາບົດປະພັນເຂົ້າຮ່ວມການເສັງໄດ້ຊ່ວຍໃຫ້ຮູ້ອ່ານມີແນວຄິດປືນຕົວຂຶ້ນໃນຊີວິດການເປັນຢູ່, ປະກອບສ່ວນຍົກສູງຄຸນສົມບັດປະຕິວັດ, ຕ້ານການສໍ້ລາດບັງຫຼວງ ແລະ ສິ່ງທີ່ຫຍໍ້ທໍ້”.