(vovworld) – ຕອນເຊົ້າວັນທີ 04/01, ຢູ່ຮ່າໂນ້ຍ, ວາລະສານກອມມູນິດ, ກະຊວງວິທະຍາສາດ ແລະ ເຕັກໂນໂລຊີ, ສູນກາງສະຫະພັນຊາວໜຸ່ມຫວຽດນາມ ແລະ ມະຫາວິທະຍາໄລແຫ່ງຊາດຮ່າໂນ້ຍ ສົມທົບກັນຈັດຕັ້ງພິທີມອບລາງວັນ ຂໍ້ລິເລີມເພື່ອປະຊາຄົມ 2015. ພາຍຫຼັງປຸກລະດົມມາເປັນເວລາ 6 ເດືອນ, ຄະນະຈັດຕັ້ງໄດ້ຮັບ 177 ໂຄງການຂໍ້ລິເລີມຂອງສ່ວນບຸກຄົນ, ໝູ່ຄະນະໃນທົ່ວປະເທດໃນທຸກຂົງເຂດ. ສະພາກວດກາການເສັງໄດ້ຕົກລົງມອບລາງວັນໃຫ້ 11 ຂໍ້ລິເລີມລວມມີ: ລາງວັນທີ 1 ໜຶ່ງລາງວັນ, ລາງວັນທີ 2 ສອງລາງວັນ, ລາງວັນທີ 3 ສາມລາງວັນ ແລະ ລາງວັນຊົມເຊີຍ 5 ລາງວັນ.
ກ່າວຄຳເຫັນທີ່ພິທີ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ໄດ້ຕີລາຄາສູງປະສິດທິຜົນ, ຜົນກະທົບຕໍ່ສັງຄົມການເຄື່ອນໄຫວຂອງການເສັງ. ທ່ານ ຫງວຽນທ້ຽນເຍີນ ໄດ້ຮຽກຮ້ອງວ່າ.
“ວຽກງານປຸກລຸກສະຕິທີ່ມີຫົວຄິດປະດິດສ້າງຂອງຊາວຫວຽດນາມ ແມ່ນແຫຼ່ງກຳລັງເພື່ອພັດທະນາ. ແຫຼ່ງກຳລັງພວມນອນໃນຕົວເຮົາເອງ. ເພື່ອມຸ່ງໄປເຖິງປະເທດແຫ່ງການແກ່ງແຍ່ງ, ພວກຂ້າພະເຈົ້າປາດຖະໜາວ່າ ຈາກການເສັງ ຂໍ້ລິເລີມເພື່ອປະຊາຄົມ, ພວກເຮົາມຸ່ງໄປເຖິງລາງວັນມີຫົວຄິດປະດິດສ້າງ ເພື່ອພັດທະນາປະເທດຊາດ. ເຮັດແນວໃດຊາວຫວຽດນາມ ຕ້ອງຮູ້ຈັກເຖິງຫົວຄິດປະດິດສ້າງຂອງຊາວຫວຽດນາມ. ຢູ່ແຫ່ງໃດມີຫົວຄິດປະດິດສ້າງຂອງຊາວຫວຽດນາມ, ຊາວຫວຽດນາມ ຕ້ອງມີວິທີເພື່ອສຳພັດໄດ້, ຕ້ອງການໄດ້ຮັບຮູ້ ແລະ ໄດ້ຮັບການໜູນຊ່ວຍ”.