ມອບລາງວັນການເສັງຄວາມເຂົ້າໃຈກ່ຽວກັບກູບາ
ພິທີມອບລາງວັນການເສັງຄວາມເຂົ້າໃຈກ່ຽວກັບ ກູບາ
|
(vovworld)- ວັນທີ 26/12 ຢູ່ ຮ່າໂນ້ຍ ໄດ້ດຳເນີນພິທີມອບລາງວັນການເສັງຄວາມເຂົ້າໃຈກ່ຽວກັບ ກູບາ ພາຍໃຕ້ຫົວຂໍ້ວ່າ: “ຫວຽດນາມ ກູບາ ສາມັກຄີ ພ້ອມກັນພັດທະນາ”. ທ່ານນາງ ຮອງປະທານສະພາແຫ່ງຊາດຫວຽດນາມ ຫງວຽນທິກີມເງິນ, ທ່ານຫງວຽນດັງຕຽນ, ຜູ້ອຳນວຍການໃຫຍ່ ວິທະຍຸກະຈາຍສຽງຫວຽດນາມ, ທັງເປັນປະທານສະມາຄົມມິດຕະພາບ ຫວຽດນາມ ກູບາ, ທ່ານ Hermnio Lopez Diaz, ເອກອັກຄະລັດຖະທູດ ກູບາ ປະຈຳຫວຽດນາມ ໄດ້ເຂົ້າຮ່ວມພິທີ. ເຂົ້າຮ່ວມການເສັງ ມີກວ່າ 4000 ຄົນທີ່ມາຈາກ 36 ແຂວງ, ນະຄອນໃນທົ່ວປະເທດ. ກ່າວຄຳເຫັນນະພິທີ, ທ່ານ Hermnio Lopez Diaz, ເອກອັກຄະລັດຖະທູດ ກູບາ ປະຈຳຫວຽດນາມ ເວົ້າວ່າ:
“ພວກຂ້າພະເຈົ້າມີຄວາມປິຕິຊົມຊື່ນເມື່ອໄດ້ເຂົ້າຮ່ວມພິທີມອບລາງວັນ ແລະ ໄດ້ຮູ້ແລ້ວວ່າ ສາຍພົວພັນລະຫວ່າງ ຫວຽດນາມ ແລະ ກູບາ ຈະໄດ້ລຸ້ນຫນຸ່ມຂອງຫວຽດນາມ ແລະ ກູບາ ເສີມຂະຫຍາຍ ແລະ ຮັກສາ. ພວກຂ້າພະເຈົ້າກໍໄດ້ຮູ້ວ່ ມີຊາວຫວຽດນາມ ຫລາຍຄົນ ສະຫນັບສະຫນູນ ກູບາ ແລະ ຍາມໃດກໍຕິດຕາມສະພາບຢູ່ ກູບາ. ສະນັ້ນຂ້າພະເຈົ້າເຊື່ອໝັ້ນວ່າ ສາຍພົວພັນມິດຕະພາບ, ການຮ່ວມມື ແລະ ຄວາມສາມັກຄີ ລະຫວ່າງສອງປະເທດ ພວກເຮົາ ຈະນັບມື້ນັບພັດທະນາ.”