(vovworld) - ຕອນຄ່ຳວັນທີ 29/03, ຢູ່ຮ່າໂນ້ຍ, ສະຫະພັນບັນດາສະມາຄົມວິທະຍາສາດເຕັກນິກຫວຽດນາມ ໄດ້ສົມທົບກັບກະຊວງວິທະຍາສາດເຕັກໂນໂລຊີ, ສະຫະພັນໃຫຍ່ແຮງງານຫວຽດນາມ, ສູນກາງຊາວໜຸ່ມກອມມູນິດໂຮ່ຈິມິນ ຈັດພິທີສະຫຼຸບ ແລະ ມອບລາງວັນໃຫ້ການເສັງຫົວຄິດປະດິດສ້າງດ້ານເຕັກນິກທົ່ວປະເທດຄັ້ງທີ 13. ການເສັງນີ້ໄດັຈັດຂຶ້ນ 2 ປີເທື່ອໜຶ່ງ, ສຳລັບບັນດາຂົງເຂດເຕັກໂນໂລຊີ, ສື່ສານເອເລັກໂຕນິກໂທລະຄົມ; ວັດຖຸເຄມີພະລັງງານ; ກະສິກຳ, ປ່າໄມ້, ການປະມົງ ແລະ ຊັບພະຍາກອນສິ່ງແວດລ້ອມ… ບັນດາມາດຕະການແກ້ໄຂທີ່ຍາດໄດ້ລາງວັນໃນການເສັງໄດ້ຮັບການນຳໃຊ້ເຂົ້າໃນການຜະລິດ ແລະ ຊີວິດສຳເລັດຜົນ, ນຳມາເຊິ່ງປະສິດທິຜົນດ້ານເສດຖະກິດສູງ, ປະກອບສ່ວນພັດທະນາເສດຖະກິດປະເທດຊາດ, ຮັບປະກັນການປ້ອງກັນຊາດປ້ອງກັນຄວາມສະຫງົບ, ຊຸກຍູ້ການພັດທະນາ ແລະ ນຳໃຊ້ເຕັກໂນໂລຊີເຂົ້າໃນຊີວິດການເປັນຢູ່.
ໃນການເສັງຫົວຄິດປະດິດສ້າງດ້ານເຕັກນິກທົ່ວປະເທດຄັ້ງທີ 13 ມີ 54 ແຂວງ, ນະຄອນ ແລະ ກະຊວງປ້ອງກັນປະເທດສົ່ງຫົວຂໍ້ເຂົ້າຮ່ວມ ດ້ວຍ 550 ມາດຕະການແກ້ໄຂ ທີ່ແບ່ງປັນ 6 ຂົງເຂດ.