VOV5 ຮັບລາງວັນທົ່ວປະເທດກ່ຽວກັບສື່ສານກັບ
ຕ່າງປະເທດຂົງເຂດສື່ມວນຊົນຄັ້ງທີ 2 - ປີ 2015
(vovworld) - ພິທີມອບລາງວັນທົ່ວປະເທດກ່ຽວກັບສື່ສານກັບຕ່າງປະເທດຂົງເຂດສື່ມວນຊົນຄັ້ງທີ 2 - ປີ 2015 (ຂົງເຂດສື່ມວນຊົນ) ໂດຍຄະນະໂຄສະນາສຶກສາສູນກາງ ແລະ ຄະນະຊີ້ນຳວຽກງານສື່ສານກັບຕ່າງປະເທດຈັດຕັ້ງ, ດຳເນີນໃນວັນທີ 28/05 ຢູ່ຮ່າໂນ້ຍ. ເຂົ້າຮ່ວມພິທີມອບລາງວັນມີທ່ານ ດິງເທ່ຮວີນ ຜູ້ປະຈຳຄະນະເລຂາທິການສູນກາງພັກ; ທ່ານ ຫວໍວັນເຖືອງ ຫົວໜ້າຄະນະໂຄສະນາສຶສາສູນກາງ, ຫົວໜ້າຄະນະຊີ້ນຳວຽກງານສື່ສານກັບຕ່າງປະເທດ; ການນຳບາງກະຊວງ, ຂະແໜງການສູນກາງ, ບັນດາອົງການສື່ສານກັບຕ່າງປະເທດຂອງ ຫວຽດນາມ ແລະ ບັນດານັກປະພັນທີ່ຍາດໄດ້ລາງວັນທົ່ວປະເທດກ່ຽວກັບສື່ສານກັບຕ່າງປະເທດຄັ້ງທີ 2.
ຄະນະຈັດຕັ້ງໄດ້ຮັບບົດປະພັນ 737 ບົດເຂົ້າຮ່ວມການເສັງ, ບັນດາບົດປະພັນເຂົ້າຮ່ວມການເສັງ ປະກອບດ້ວຍ 11 ພາສາຄື: ຫວຽດນາມ, ອັງກິດ, ຝະລັ່ງ, ລັດເຊຍ, ຈີນ, ເຢຍລະມັນ, ແອັດສະປາຍ, ຍີ່ປຸ່ນ, ສ.ເກົາຫຼີ, ລາວ ແລະ ບູນກາຣີ. ເນື້ອໃນຂອງບັນດາບົດປະພັນເຂົ້າຮ່ວມການເສັງຄັ້ງນີ້ ມີຄວາມອຸດົມສົມບຸນ, ເຕື້ອງເຖິງຊີວິດການເປັນຢູ່ດ້ານການເມືອງ, ເສດຖະກິດ, ສັງຄົມ, ວັດທະນະທຳພາຍໃນປະເທດ ກໍ່ຄືຊີວິດການເປັນຢູ່ຂອງປະຊາຄົມຊາວ ຫວຽດນາມ ອາໄສຢູ່ຕ່າງປະເທດຢ່າງຮອບດ້ານ; ບັນດາເຫດການໃຫຍ່, ບັນຫາສະຖານະການການເມືອງຕ່າງໆໄດ້ຮັບຄວາມສົນໃຈຈາກຫາງສຽງໃນປີ 2015; ໂຄສະນາເຜີຍແຜ່ປະເທດຊາດ, ວັດທະນະທຳ, ປະຫວັດສາດ, ຊາວ ຫວຽດນາມ; ແນະນຳບັນດາຜົນງານຂອງພາລະກິດປ່ຽນໃໝ່, ປະກອບສ່ວນສ້າງຮູບພາບ ຫວຽດນາມ ສັນຕິພາບ, ສະຖຽນລະພາບ, ພັດທະນາ.
ທ່ານ ດິງເທ່ຮວີນ ມອບລາງໃຫ້ນັກປະພັນທີ່ຍາດໄດ້ລາງວັນ
ທົ່ວປະເທດກ່ຽວກັບສື່ສານກັບຕ່າງປະເທດຄັ້ງທີ 2
ຄະນະຈັດຕັ້ງໄດ້ມອບລາງວັນທີໜຶ່ງ, ລາງວັນທີສອງ, ທີສາມ ແລະ ລາງວັນຊົມເຊີຍໃຫ້ 70 ບົດປະພັນ, ດ້ວຍ 5 ຮູບການສື່ມວນຊົນເຊັ່ນ: ສື່ສິ່ງພິມ, ສື່ເອເລັກໂຕນິກ, ກະຈາຍສຽງ, ໂທລະພາບ ແລະ ຂ່າວພາບ. ນີ້ແມ່ນເທື່ອທີສອງທີ່ລະບົບກະຈາຍສຽງພາກພາສາຕ່າງປະເທດແຫ່ງຊາດ, ວິທະຍຸກະຈາຍສຽງຫວຽດນາມ (VOV5) ໄດ້ຮັບລາງວັນທີໜຶ່ງ ສື່ມວນຊົນກັບຕ່າງປະເທດ, ຮູບການກະຈາຍສຽງ, ດ້ວຍບົດປະພັນ “ເພື່ອຊີວິດສະຫງົບສຸກ ແລະ ພັດທະນາ“.
ກ່າວຄວາມເຫັນນະພິທີ, ທ່ານ ດິງເທ໋ຮວີນ, ຜູ້ປະຈຳການຄະນະເລຂາສູນກາງພັກ, ຢືນຢັນເຖິງອິດທິພົນຊື່ສຽງຂອງລາງວັນ, ຜ່ານນັ້ນຢືນຢັນບົດບາດສຳຄັນຂອງວຽກງານສື່ສານ, ໂຄສະນາກັບຕ່າງປະເທດໃນປະຈຸບັນ.
“ພ້ອມກັບການເຄື່ອນໄຫວສື່ສານພາຍໃນປະເທດ, ການສື່ສານອອກຕ່າງປະເທດ ໄດ້ປະກອບສ່ວນສຳຄັນໃນການຮັກສາສະພາບແວດລ້ອມສັນຕິພາບ, ສະຖຽນລະພາບເພື່ອພັດທະນາປະເທດຊາດ; ປັບປຸງ ແລະ ເປີດກວ້າງການພົວພັນຮ່ວມມືມິດຕະພາບລະຫວ່າງ ຫວຽດນາມກັບປະເທດຕ່າງໆ; ຊຸກຍູ້ການເຊື່ອມໂຍງກັບສາກົນ; ແນະນຳເຖິງປະຊາຊົນໂລກກ່ຽວກັບປະເທດຊາດ, ປະຊາຊົນ, ວັດທະນະທຳ ແລະ ປະຫວັດສາດຫວຽດນາມ; ກ່ຽວກັບຫຼັກໝັ້ນ, ຄວາມເປັນທຳຂອງ ຫວຽດນາມໃນການຕໍ່ສູ້ ປົກປັກຮັກສາເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນຂອງປະເທດ“.
ທ່ານ ດິງເທ໋ຮວີນ ກໍ່ເນັ້ນໜັກວ່າໃນສະພາບການໃໝ່ຮຽກຮ້ອງໃຫ້ບັນດາຜູ້ທີ່ເຮັດວຽກງານສື່ມວນຊົນໃນທົ່ວປະເທດຕ້ອງສືບຕໍ່ປ່ຽນໃໝ່, ຍົກສູງຄຸນນະພາບ, ປະສິດທິຜົນໃນການເຄື່ອນໄຫວ, ປະຕິບັດໜ້າທີ່ເຊິ່ງພັກ, ລັດໄດ້ມອບໝາຍໃຫ້, ປະກອບສ່ວນສ້າງເງື່ອນໄຂສະດວກເພື່ອຮັກສາສັນຕິພາບ, ສະຖຽນລະພາບ, ເປັນເຈົ້າການ ແລະ ຕັ້ງໜ້າເຊື່ອມໂຍງເຂົ້າກັບສາກົນ.