ທ່ານ Nguyen Su ໃນພິທີມອບລາງວັນວັດທະນະທຳ Phan Chau Trinh ຄັ້ງທີ 5
(ພາບ: vietnamnet.vn)
(vovworld) - ຕອນເຊົ້າວັນທີ 24/3, ຢູ່ ຮ່າໂນ້ຍ, ໄດ້ຈັດພິທີມອບລາງວັນວັດທະນະທຳ Phan Chau Trinh ຄັ້ງທີ 5 ໃຫ້ແກ່ບຸກຄົນທີ່ດີເດັ່ນ 6 ຄົນ. ລາງວັນເພື່ອພາລະກິດວັດທະນະທຳ ແລະ ສຶກສາ ແມ່ນມອບໃຫ້ທ່ານ Nguyen Su, ເລຂາຄະນະພັກນະຄອນ ໂຮ້ຍອານ ຍ້ອນມີບັນດາການເຄື່ອນໄຫວທີ່ດີເດັ່ນ ປະກອບສ່ວນອະນຸລັກຮັກສາມໍລະດົກວັດທະນະທຳຫວຽດນາມ. ທ່ານ Nguyen Su ໄດ້ເວົ້າຄວາມໃນໃຈສູ່ຟັງວ່າ:
”ຂ້າພະເຈົ້າຮູ້ສຶກຕຶ້ນຕັນໃຈຫຼາຍ ເພາະວ່າມັນບໍ່ພຽງແຕ່ແມ່ນລາງວັນເທົ່ານັ້ນ, ຫາກຍັງແມ່ນຄວາມເຊື່ອໝັ້ນເຊິ່ງທຸກຄົນ, ສະພາວິທະຍາສາດໄດ້ສະຫງວນໃຫ້ແກ່ຂ້າພະເຈົ້າ, ໃຫ້ແກ່ໂຮ້ຍອານ. ລາງວັນນີ້ແມ່ນການຝາກຝັງຄວາມເຊື້ອໝັ້ນຕໍ່ປະຊາຊົນໂຮ້ຍອານ, ບັນດາຄູນຄ່າ ເຊິ່ງປະຊາ ຊົນໂຮ້ຍອານພວມຮັກສາໄວ້ນັ້ນ, ບໍ່ພຽງແຕ່ເພື່ອໃຫ້ປະຈຸບັນເທົ່ານັ້ນ, ຫາກຍັງໃຫ້ລຸ້ນຕໍ່ໆໄປອີກດ້ວຍ”
ລາງວັນແປພາສາ ແມ່ນມອບໃຫ້ທ່ານ Nguyen Van Khoa, ສ່ວນສາດສະດາຈານ Tran Van Khe ໄດ້ຮັບລາງວັນຄົ້ນຄ້ວາ ຍ້ອນມີການປະກອບສ່ວນທີ່ດີເດັ່ນໃນການຄົ້ນຄ້ວາ ແລະ ໂຄສະນາດົນຕີພື້ນເມືອງຫວຽດນາມອອກສູ່ໂລກໃນຕະຫຼອດ 50 ປີທີ່ຜ່ານມາ. ນອກນັ້ນ, ນັກຄົ້ນຄ້ວາຫວຽດນາມ 2 ຄົນ ໃນນັ້ນມີຄົນຝລັ່ງ ຜູ້ໜຶ່ງ ແລະ ຄົນອາເມລິກາ ເຊື້ອຊາດລັດເຊຍ ຜູ້ໜຶ່ງ ໄດ້ຮັບລາງວັນຊອກຮູ້, ຄົ້ນຄ້ວາ ແລະ ໂຄສະນາບັນດາຄູນຄ່າວັດທະນະທຳ ແລະ ປະຫວັດສາດຫວຽດນາມ.