(ພິທີມອບລາງວັນ ແລະ ໄຂງານວາງສະແດງການເສັງແຕ້ມຮູບ
ເຢາະເຢີ້ຍກ່ຽວກັບຄວາມສະເໝີພາບລະຫວ່າງຍິງ - ຊາຍ)
(vovworld) - ຕອນຄ່ຳວັນທີ 01/03, ສະຖານທູດລາຊະອານາຈັກ ແບນຊິກ ສົມທົບກັບອົງການຮ່ວມມືພັດທະນາ ແບນຊິກ, ອົງການສະຫະປະຊາຊາດກ່ຽວກັບຄວາມສະເໝີພາບລະຫວ່າງຍິງ - ຊາຍ ແລະ ມອບສິດໃຫ້ແມ່ຍິງ, ຫໍພິພິທະພັນແມ່ຍິງ ຫວຽດນາມ ຈັດຕັ້ງພິທີມອບລາງວັນ ແລະ ໄຂງານວາງສະແດງການເສັງແຕ້ມຮູບເຢາະເຢີ້ຍກ່ຽວກັບຄວາມສະເໝີພາບລະຫວ່າງຍິງ - ຊາຍ. ການເສັງແຕ້ມຮູບດັ່ງກ່າວ ໄດ້ປຸກລະດົມແຕ່ເດືອນ 11 ປີ 2015, ດຶງດູດການເຂົ້າຮ່ວມຂອງຮູບແຕ້ມ 116 ແຜ່ນທີ່ສົ່ງມາຈາກບັນດານັກຈິດຕະກອນໃນທົ່ວປະເທດເຂົ້າຮ່ວມ. ນັກຈິດຕະກອນ ຫຼີຈືກຢຸງ ເປັນສະມາຊິກຄະນະກວດສອບການເສັງໃຫ້ຮູ້ວ່າ:
“ ນີ້ແມ່ນການເສັງພິເສດທີ່ສຸດ ຊຶ່ງຢູ່ ຫວຽດນາມ ບໍ່ເຄີຍມີງານວາງສະແດງ ຫຼື ການເສັງກ່ຽວກັບຄວາມສະເໝີພາບລະຫວ່າງ ຍິງ - ຊາຍຈັດເທື່ອ. ການເສັງໄດ້ສະແດງໃຫ້ເຫັນຢ່າງຈະແຈ້ງ ກ່ຽວກັບເລື່ອງພວກເຮົາ ຕ້ອງເຮັດອັນໃດອັນໜຶ່ງໃຫ້ແມ່ຍິງ ເພື່ອໃຫ້ເຂົາເຈົ້າໄດ້ຮັບຄວາມສະເໝີພາບ.”
ນີ້ແມ່ນຄັ້ງທຳອິດທີ່ໄດ້ດຳເນີນການເສັງແຕ້ມຮູບເຢາະເຢີ້ຍກ່ຽວກັບຄວາມສະເໝີພາບລະຫວ່າງຍິງຊາຍຢູ່ ຫວຽດນາມ. ບັນດາຮູບແຕ້ມເຂົ້າຮ່ວມການເສັງໄດ້ສະແດງໃຫ້ໄດ້ຄວາມສົນໃຈຂອງຊາວ ຫວຽດນາມ ຫລາຍຄົນ ກ່ຽວກັບບັນຫາຄວາມສະເໝີພາບລະຫວ່າງຍິງ - ຊາຍ.