ມອບລາງວັນໃນການເສັງແຕ່ງບົດເພງ ກ່ຽວກັບຄວາມປອດໄພທາງຄົມມະນາຄົມ
ທ່ານຮອງນາຍົກລັດຖະມົນຕີຫງວຽນຊວນຟຸກ
ມອບລາງວັນໃຫ້ບັນດານັກດົນຕີ
(ພາບ:tinmoi.vn)
(vovworld) – ຕອນຄ່ຳວັນທີ 27/12, ຢູ່ໂຮງລະຄອນວິທະຍຸກະຈາຍສຽງຫວຽດນາມ, ຄະນະກຳມະການຮັກສາຄວາມປອດໄພທາງຄົມມະນາຄົມແຫ່ງຊາດ ສົມທົບກັບສະມາຄົມນັກດົນຕີຫວຽດນາມ ໄດ້ຈັດພິທີມອງລາງວັນໃຫ້ແກ່ການເສັງແຕ່ງບົດເພງກ່ຽວກັບຄວາມປອດໄພທາງຄົມມະນາຄົມ. ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີຫງວຽນຊວນຟຸກ ໄດ້ຍ້ອງຍໍຊົມເຊີຍວິທະຍຸກະຈາຍສຽງຫວຽດນາມ ແລະ ສະມາຄົມນັກດົນຕີຫວຽດນາມ ໄດ້ສົມທົບກັບບັນດາອົງການທີ່ມີໜ້າທີ່ຈັດຕັ້ງການເສັງແຕ່ງບົດເພງກ່ຽວກັບຄວາມປອດໄພທາງຄົມມະນາຄົມ.. ການເສັງດັ່ງກ່າວໄດ້ເຮັດໃຫ້ບັນດາຮູບການໂຄສະນາມີຫຼາຍຮູບຫຼາຍແບບ, ປະກອບສ່ວນຍົກສູງສະຕິຄວາມຮັບຮູ້ ແລະ ຄວາມຮັບຜິດຊອບໃນການປະຕິບັດຂໍ້ກຳນົດຂອງກົດໝາຍຢ່າງເຂັ້ມງວດ ເມື່ອເຂົ້າຮ່ວມການຈໍລະຈອນກໍ່ຄືການສ້າງວັດທະນະທຳໃນການຈໍລະຈອນ. ທ່ານຮອງນາຍົກລັດຖະມົນຕີຫງວຽນຊວນຟຸກ ເນັ້ນໜັກວ່າ:
“ມີບົດເພງກ່ວາ 400 ບົດຂອງນັບຮ້ອຍຄົນກ່ຽວກັບການຮັກສາຄວາມປອດໄພທາງຄົມມະນາຄົມໄດ້ຮັບການເຜີຍແຜ່ໄດ້ສະແດງໃຫ້ເຫັນຄວາມສົນໃຈຂອງທົ່ວສັງຄົມຕໍ່ວຽກງານຮັກສາຄວາມປອດໄພທາງຄົມມະນາຄົມແຫ່ງຊາດ ຊື່ງແມ່ນບັນຫາເຄັ່ງຮ້ອນຢູ່ຫວຽດນາມ ແລະ ຫຼາຍປະເທດໃນໂລກ. ຂ້າພະເຈົ້າຂໍຊົມເຊີຍຜົນສຳເລັດຂອງການເສັງຄັ້ງນີ້ ແລະ ຊົມເຊີຍວິທະຍຸກະຈາຍສຽງຫວຽດນາມ ແລະ ສະມາຄົມນັກດົນຕີຫວຽດນາມ ໄດ້ເຂົ້າຮ່ວມວຽກງານນີ້ຢ່າງສຸດຈິດສຸດໃຈ“