ທ່ານ ຫວູຮູຍຮວ່າງ, ລັດຖະມົນຕີກະຊວງອຸດສາຫະກຳ ການຄ້າ ຫວຽດນາມ
ພາບ: internet
|
(vovworld) - ວັນທີ 5/12, ຫ້ອງວ່າການສະພາແຫ່ງຊາດໄດ້ປະກາດມະຕິກ່ຽວກັບການຊັກຖາມ ແລະ ຕອບຄຳຊັກຖາມທີ່ກອງປະຊຸມສະໄຫມສາມັນເທື່ອທີ 4 ສະພາແຫ່ງຊາດ ຫວຽດນາມ ຊຸດທີ 13. ຕາມນັັ້ນແລ້ວ, ສະພາແຫ່ງຊາດສະເຫນີໃຫ້ລັດຖະມົນຕີກະຊວງອຸດສາຫະກຳ ການຄ້າ ສືບຕໍ່ມີບັນດາມາດຕະການຢ່າງຄົບຊຸດເພື່ອແກ້ໄຂຄວາມຫຍຸ້ງຍາກ, ຍູ້ແຮງການຜະລິດ, ເປີດກວ້າງຕະຫລາດພາຍໃນ ແລະ ຕ່າງປະເທດ; ສົ່ງເສີມການໃຊ້ສອຍສິນຄ້າຜະລິດຢູ່ພາຍໃນປະເທດ, ຄຸ້ມຄອງຢ່າງແຫນ້ນແຟ້ນສິນຄ້ານຳເຂົ້າຈາກຕ່າງປະເທດ, ຈຳກັດການນຳເຂົ້າເກີນດຸນ. ກະຊວງອຸດສາຫະກຳ ສົມທົບກັບບັນດາກະຊວງ, ຂະແຫນງການ, ທ້ອງຖິ່ນຕ່າງໆ ສືບຕໍ່ກວດກາຄືນແຜນກຳນົດສັງລວມກ່ຽວກັບໄຟຟ້ານ້ຳຕົກເພື່ອລາຍງານຕໍ່ສະພາແຫ່ງຊາດໃນກອງປະຊຸມສະໄຫມສາມັນເທື່ອທີ 6 ຊຶ່ງຈະຖືກຈັດຂຶ້ນໃນເດືອນ 10 -11/2013. ກະຊວງກໍ່ສ້າງສຸມໃສ່ແກ້ໄຂສະພາບຕິດຂັດຂອງຕະຫລາດອະສັງຫາລິມະສັບ, ຕ້ອງມີແຜນການກ່ຽວກັບເຮືອນຢູ່ສັງຄົມ. ຜູ້ວ່າການທະນາຄານແຫ່ງລັດ ສຸມໃສ່ບໍລິຫານນະໂຍບາຍເງິນຕາເພື່ອສ້າງການຫັນປ່ຽນຢ່າງຕັ້ງຫນ້າໃນການສ້າງໂຄງປະກອບທະນາຄານ, ບັນດາອົງການສິນເຊື່ອຄືນໃຫມ່ໃນປີ 2013. ກະຊວງສາທາລະນະສຸກ ຜັນຂະຫຍາຍບັນດາມາດຕະການ ຢ່າງຄົບຊຸດ ເພື່ອຍົກສູງຄຸນນະພາບກວດກາ, ປິ່ນປົວພະຍາດໃຫ້ແກ່ປະຊາຊົນ, ເພີ່ມທະວີການຄຸ້ມຄອງຢຸກຢາ, ຄ່າປິ່ນປົວພະຍາດ.