ມະຕິກ່ຽວກັບວາ ລະປະຊຸມປະຈຳ ເດືອນ 12/2012 ຂອງລັດຖະບານ
ວາລະປະຊຸມປະຈຳເດືອນ 12/2012 ຂອງລັດຖະບານ
(ພາບ: ອີນເຕີເນັດ)
(vovworld) - ມະຕິກ່ຽວກັບວາລະປະຊຸມປະຈຳເດືອນ 12/2012 ຂອງລັດຖະບານ ໄດ້ຮັບການປະກາດໃຊ້ເມື່ອວັນທີ 29/12, ໂດຍສູມໃສ່ເຂົ້າໃນບາງບັນຫາທີ່ກ່ຽວຂ້ອງເຖິງການລົງທຶນໂດຍກົງຈາກຕ່າງປະເທດເຂົ້າຫວຽດນາມ, ແກ້ໄຂໜີເສຍຂອງລະບົບບັນດາອົງການສິນເຊື່ອ, ໜູນຊ່ວຍໃຫ້ບັນດາເມືອງມີອັດຕາຄອບຄົວທຸກຍາກສູງ, ວຽກງານກວດກາ, ແກ້ໄຂການຮ້ອງທຸກ, ກ່າວຟ້ອງ.... ຕາມນັ້ນແລ້ວ, ລັດຖະບານມອບໃຫ້ກະຊວງແຜນການ ແລະ ການລົງທຶນສ້າງສຳເລັດແຜນຮ່າງກຳນົດທິດຍົກສູງປະສິດທິຜົນການດຶງດູດ, ນຳໃຊ້ ແລະ ຄຸ້ມຄອງການລົງທຶນໂດຍກົງຈາກຕ່າງປະເທດຮອດປີ 2020 ເພື່ອຮັບປະກັນສະພາບແວດລ້ອມແຫ່ງການລົງທຶນຂອງຫວຽດນາມ ມີຄວາມດຶງດູດຄືບັນດາປະເທດໃນພາກພື້ນ ແລະ ໃນໂລກ, ເພື່ອຍື່ນສະເໜີຕໍ່ນາຍົກລັດຖະມົນຕີລົງລາຍເຊັນປະກາດໃຊ້. ແຜນຮ່າງແກ້ໄຂໜີເສຍຂອງລະບົບບັນດາອົງການສີນເຊື່ອ ແລະ ແຜນຮ່າງສ້າງຕັ້ງບໍລິສັດຄຸ້ມຄອງຊັບສິນໄດ້ມອບໝາຍໃຫ້ທະນາຄານແຫ່ງລັດຫວຽດນາມ ເປັນເຈົ້າພາບ. ສຳລັບແຜນຮ່າງແກ້ໄຂໜີເສຍຂອງລະບົບບັນດາອົງການສິນເຊື່ອ, ຄວນເຮັດແຈ້ງຂອບເຂດການແກ້ໄຂໜີເສຍ, ຊີ້ແຈ້ງ ແລະ ໄຈ້ແຍກບັນດາວິທີແກ້ໄຂທີ່ສາມາດປະຕິບັດໄດ້, ເໝາະສົມກັບສະພາບການຕົວຈິງພາຍໃນປະເທດ. ລັດຖະບານຮັບຮອງເອົາແຜນນະໂຍບາຍປະຕິບັດກົນໄກໜູນຊ່ວຍທຶນລົງທຶນພັດທະນາຈາກງົບປະມານສູນກາງໃຫ້ 23 ເມືອງທີ່ມີອັດຕາຄອບຄົວທຸກຍາກສູງ.