ວາລະປະຊຸມປະຈຳເດືອນ 4/2014 ຂອງລັດຖະບານ
(vovworld) – ລັດຖະບານຫາກໍ່ປະກາດມະຕິເລກທີ 29-ມຕ/ລບ ກ່ຽວກັບວາລະປະຊຸມປະຈຳເດືອນ 4/2014 ຂອງລັດຖະບານ. ຕາມມະຕິແລ້ວ, ລັດຖະບານຮຽກຮ້ອງໃຫ້ບັນດາກະຊວງ, ອົງການ, ທ້ອງຖີ່ນຕິດຕາມກວດກາຈຸດໝາຍ, ໜ້າທີ່ທີ່ໄດ້ວາງອອກໃນບັນດາມະຕິຂອງສະພາແຫ່ງຊາດ, ບັນດາມະຕິຂອງວາລະປະຊຸມປະຈຳເດືອນຂອງລັດຖະບານ ແລະ ການຊີ້ນຳຂອງນາຍົກລັດຖະມົນຕີ. ພ້ອມກັບບັນດາການຊີ້ນຳລະອຽດສຳລັບທະນາຄານແຫ່ງລັດ, ກະຊວງການເງິນ, ກະຊວງແຜນການ ແລະ ການລົງທຶນ, ກະຊວງກະສິກຳ ແລະ ພັດທະນາຊົນນະບົດ, ກະຊວງອຸດສາຫະກຳ ການຄ້າ ໃນການປະຕິບັດບັນດາມາດຕະການແກ້ໄຂຄວາມຫຍຸ້ງຍາກໃນຂົງເຂດຄຸ້ມຄອງຂະແໜງ, ລັດຖະບານຮຽກຮ້ອງໃຫ້ກະຊວງສາທາລະນະສຸກ ເປັນເຈົ້າການ, ສົມທົບກັບບັນດາກະຊວງ, ອົງການ, ທ້ອງຖີ່ນສືບຕໍ່ຍູ້ແຮງວຽກງານສັກຢາກັນໂລກລະບາດ, ນຳໃຊ້ບັນດາມາດຕະການເພື່ອສະກັດກັ້ນພະຍາດໝາກແດງຢ່າງຮີບດ່ວນ, ບໍ່ປະໃຫ້ແຜ່ລາມອອກຢ່າງກ້ວາງຂວາງ, ເພີ່ມທະວີວຽກງານໂຄສະນາ, ເຜີຍແຜ່, ຂົນຂວາຍ, ສຶກສາ ປະກອບສ່ວນຍົກສູງສະຕິປ້ອງກັນພະຍາດຂອງປະຊາຊົນຢູ່ວົງຄະນະຍາດ, ແກ້ໄຂສະພາບຕິດແປດພະຍາດຢູ່ບັນດາໂຮງໝໍຂັ້ນເທິງ. ລັດຖະບານກໍ່ຮຽກຮ້ອງໃຫ້ກະຊວງຄົມມະນາຄົມ ຂົນສົ່ງເປັນເຈົ້າການ, ສົມທົບກັບກະຊວງຕຳຫຼວດ, ທ້ອງຖີ່ນຕ່າງໆສືບຕໍ່ຍູ້ແຮງວຽກງານກວດກາ, ຕິດຕາມກວດກາ, ປັບໄໝລົງໂທດບັນດາກໍລະນີລົດຂົນສົ່ງສິນຄ້າເກີນນ້ຳໜັກກຳນົດ, ຍູ້ແຮງຄວາມຄືບໜ້າໃນການກໍ່ສ້າງລະບົບຂົວແຂວນຮັບໃຊ້ປະຊາຊົນ, ພິເສດແມ່ນບັນດາໂຄງການທີ່ໄດ້ຮັບການອະນຸມັດຜ່ານແລ້ວ.