( vovworld ) – ເນື່ອງໃນໂອກາດບຸນປີໃໝ່ຂອງລາວ, ຕອນຄໍ່າວັນທີ 14/4, ມະຫາວິທະຍາໄລ Tay Bac, ຢູ່ນະຄອນ Son La, ແຂວງ Son La ໄດ້ຈັດບຸນປີໃໝ່ໃຫ້ນັກສຶກສາລາວ ທີ່ພວມຮໍ່າຮຽນຢູ່ໂຮງຮຽນ. ພາຍຫຼັງປະຕິບັດພິທີບາສີສູ່ຂວັນ, ເຊິ່ງແມ່ນຮີດຄອງປະເພນີໃນງາມບຸນປີໃໝ່, ທີ່ມີຄວາມໝາຍອະທິຖານຂໍ້ໃຫ້ມີສຸຂະພາບເຂັ້ມແຂງ, ມີຄວາມສະຫງົບສຸກ, ບັນດານັກສຶກສາລາວ ພ້ອມກັບນັກສຶກສາຄູ່ອາຈານຫວຽດນາມ ເຂົ້າຮ່ວມລາຍການພົບປະແລກປ່ຽນສີລະປະໃນບັນຍາກາດມ່ວນຊື່ນ, ອົບອຸ່ນ ແລະ ເຕັມໄປດ້ວຍຄວາມສາມັກຄີມິຕະພາບ. ນີ້ແມ່ນປີທີ່ສອງທີ່ມະຫາວິທະຍາໄລ Tay Bac ຈັດຕັ້ງການບຳລຸງສ້າງໃຫ້ແກ່ນັກສຶກສາລາວ. ປະຈຸບັນຈຳນວນນັກສຶກສາລາວ ທີ່ພວມຮໍ່າຮຽນຢູ່ໃນໂຮງຮຽນແມ່ນ 32 ຄົນ. ນາງ ແກ້ວແຟງຄຳ, ນັກສຶກສາຊຸດທີ 49 ພະແນກບັນຊີ, ມະຫາວິທະຍາໄລ Tay Bac ໃຫ້ຮູ້ວ່າ.
“ ນ້ອງ ແລະ ບັນດາເພື່ອນຮູ້ສຶກມ່ວນຊື່ນຫຼາຍ ເມື່ອໂຮງຮຽນມີຄວາມເອົາໃຈໃສ່ຈັດຕັ້ງໃຫ້ແກ່ພວກນ້ອງຕ້ອນຮັບບຸນປີໃໝ່. ເຖິງວ່າບໍ່ໄດ້ກັບເມືອປະເທດ, ບໍ່ໄດ້ຕ້ອນຮັບບຸນປີໃໝ່ຢູ່ບ້ານເກີດເມືອງນອນກໍຕາມ, ແຕ່ບັນດາຄູ່ອາຈານໄດ້ສ້າງທຸກເງື່ອນໄຂເພື່ອຈັດຕັ້ງບຸນປີໃໝ່ໃຫ້ແກ່ພວກນ້ອງ. ນ້ອງຮູ້ສຶກວ່າຕົນເອງພວມຕ້ອນຮັບປີໃໝ່ພ້ອມກັບຄອບຄົວ. ພວກນ້ອງຂໍ້ຂອບໃຈບັນດາຄູ່ອາຈານ ແລະ ຈະມານະພະຍາຍາມຮໍ່າຮຽນໃຫ້ດີເພື່ອປະກອບສ່ວນເພີ່ມພູນຄຸນສ້າງຄວາມສາມັກຄີມິດຕະພາບ ລະຫວ່າງ ຫວຽດນາມ - ລາວ ໃຫ້ສວຍສົດງົດງາມ ແລະ ໝັ້ນຄົງຕະຫຼວດໄປ”.