ມ້າງທຳລາຍກົນອຸບາຍກໍ່ລັດຖະປະຫານ ຢູ່ ສາທາລະນະລັດ ປະຊາທິປະໄຕ ກົງໂກ
(VOVWORLD) - ວັນທີ 19 ພຶດສະພາ, ກຳລັງປະກອບອາວຸດ ສາທາລະນະລັດ ປະຊາທິປະໄຕ ກົງໂກ ເຮັດໃຫ້ກົນອຸບາຍກໍ່ລັດຖະປະຫານ ແນໃສ່ໂຄ່ນລົ້ມອຳນາດການປົກຄອງຂອງປະເທດນີ້ບໍ່ມີຜົນສັກສິດ, ພ້ອມທັງຈັບຕົວຜູ້ຖືກສົງໄສຈຳນວນໜຶ່ງ.
 ນາຍທະຫານ ສາທາລະນະລັດ ປະຊາທິປະໄຕ ກົງໂກ ເຝົ້າປະຈຳຢູ່ເຂດຊານເມືອງOicha (ພາບ: AFP/TTXVN) |
ໃນແຈ້ງການອອກທາງໂທລະພາບ, ທ່ານ Sylvain Ekenge ໂຄສົກຂອງກອງທັບ ສາທາລະນະລັດ ປະຊາທິປະໄຕ ກົງໂກ, ໃຫ້ຮູ້ວ່າ ບັນດາກຳລັງປ້ອງກັນຊາດ ແລະ ປ້ອງກັນຄວາມສະຫງົບ ໄດ້ມ້າງທຳລາຍກົນອຸບາຍກໍ່ລັດຖະປະຫານຢູ່ນະຄອນຫຼວງ Kinshasa. ກົນອຸບາຍກໍ່ລັດຖະປະຫານນີ້ ມີທັງການເຂົ້າຮ່ວມຂອງຊາວຕ່າງປະເທດ, ແຕ່ທ່ານ Sylvain Ekenge ບໍ່ເຜີຍໃຫ້ຮູ້ຢ່າງລະອຽດວ່າ ແມ່ນຊາວປະເທດໃດ.
ປັດຈຸບັນ, ກອງທັບຄວບຄຸມສະພາບການໄດ້ແລ້ວ ແລະ ປະຊາຊົນນະຄອນຫຼວງສາມາດເດີນທາງໄປມາຢ່າງອຸ່ນອ່ຽນໃຈ.