ທ່ານນາຍົກລັດຖະມົນຕີ ມາເລເຊຍ Najib Razak ແລະ ທ່ານນາຍົກ
ລັດຖະມົນຕີ ຍີ່ປຸ່ນ Shinzo Abe (ພາບ:japantimes.co.jp)
(vovworld) – ທ່ານນາຍົກລັດຖະມົນຕີມາເລເຊຍ Najib Razak ພວມຢ້ຽມຢາມໂຕກຽວ, ວັນທີ 25/5 ໄດ້ມີການພົບປະເຈລະຈາກັບທ່ານນາຍົກລັດຖະມົນຕີຍີ່ປຸ່ນ Shinzo Abe. ໃນນັ້ນ, 2 ຝ່າຍໄດ້ເຫັນດີຍົກລະດັບການພົວພັນ 2 ຝ່າຍຂຶ້ນສູ່ “ການພົວພັນຄູ່ຮ່ວມມືຍຸດທະສາດ”. ກ່າວຄຳເຫັນທີ່ກອງປະຊຸມຂ່າວລວມພາຍຫຼັງການພົບປະ, ທ່ານນາຍົກລັດຖະມົນຕີ Najib Razak ຕີລາຄາການພົວພັນ 2 ປະເທດບັນລຸໄດ້ບາດກ້າວອັນດີງາມໃນຊຸມປີຜ່ານມາ ແລະ ການຮ່ວມມື 2 ຝ່າຍໃນບັນດາຂົງເຂດຄື: ເສດຖະກິດ, ການທ່ອງທ່ຽວ, ການພົບປະແລກປ່ຽນປະຊາຊົນກໍ່ລ້ວນແຕ່ພັດທະນາ. ທ່ານນາຍົກລັດຖະມົນຕີ Najib Razak ໃຫ້ຮູ້ວ່າ: ການນຳ 2 ທ່ານໄດ້ແບ່ງປັນຄວາມຕັດສິນໃຈເພີ່ມທະວີການຮ່ວມມື, ພິເສດແມ່ນໃນ 5 ຂົງເຂດຄື: ຮ່ວມມືເພື່ອສັນຕິພາບ ແລະ ສະຖຽນລະພາບ; ບັນລຸໄດ້ຄວາມເສລີ, ເປີດອົກເປີດໃຈ ແລະ ສະຖຽນລະພາບບົນທະເລ; ການລົງທຶນຜ່ານນະໂຍບາຍມຸ່ງໄປສູ່ທິດຕາເວັນອອກ (LEP) 2.0 ແລະ ເສດຖະກິດ; ເປີດກ້ວາງການຮ່ວມມືໃນການແລກປ່ຽນວັດທະນະທຳ ແລະ ພົບປະແລກປ່ຽນປະຊາຊົນ; ກໍ່ຄືການປະກອບສ່ວນເຂົ້າໂຄງການດຳເນີນງານໃນພາກພື້ນ ແລະ ທົ່ວໂລກ.