(vovworld) - ໃນການປະຊຸມຂ່າວຮຸ່ງເຊົ້າວັນທີ 06/08, ທ່ານນາຍົກລັດຖະມົນຕີມາເລເຊຍ Najib Razak ໄດ້ຢັ້ງຢືນສະເກັດເຮືອບິນທີ່ຊອກເຫັນຢູ່ໃກ້ກັບເກາະ Reunion, ຂຶ້ນກັບຝລັ່ງ ຢູ່ທາງທິດໃຕ້ມະຫາສະໝຸດອີນເດຍ ແມ່ນຂອງເຮືອບິນ MH 370 ຂອງມາເລເຊຍແອລາຍ, ທີ່ຖືກຫາຍສາບສູນເມື່ອວັນທີ 08/03/2014. ນີ້ໄດ້ຮັບຖືວ່າແມ່ນບາດກ້າວບຸກທະລຸໃນຄວາມມານະພະຍາຍາມຊອກຫາເຮືອບິນ MH 370 ໃນຕະຫຼອດ 17 ເດືອນຜ່ານມາຂອງບັນດາກຳລັງສາກົນ, ເປີດແງ່ຫວັງຊອກຮູ້ຄວາມຈິງກ່ຽວກັບສາຍເຫດພາໃຫ້ເກີດອຸບັດຕິເຫດ. ທ່ານນາຍົກລັດຖະມົນຕີ Razak ຊີ້ແຈ້ງວ່າ, ໝາກຜົນການວິໄຈໂດຍບັນດາເຈົ້າໜ້າທີ່ຝລັ່ງ ດຳເນີນ ໄດ້ຮັບການຢັ້ງຢືນເປັນຄັ້ງທຳອິດວ່າ MH 370 ຖືກຕົກລົງມະຫາສະໝຸດອີນເດຍ. ໂດຍຕາງໜ້າໃຫ້ລັດຖະບານມາເລເຊຍ, ທ່ານນາຍົກລັດຖະມົນຕີ Razak ກໍໃຫ້ຄຳໝັ້ນສັນຍາວ່າ ຈະເຮັດທຸກສິ່ງທຸດຢ່າງເພື່ອຊອກຫາຄວາມຈິ່ງທີ່ເກີດຂຶ້ນສຳລັບເຮືອບິນ MH 370.
ວັນທີ 06/08, ລັດຖະບານອົດສະຕາລີ ຢືນຢັນວ່າ, ການຊອກຫາໂດຍປະເທດນີ້ນຳໜ້າຍັງສືບຕໍ່ໄດ້ຮັບການປະຕິບັດ.