ກອງປະຊຸມຂອງສະພາຄວາມໝັ້ນຄົງ ສປຊ
(ພາບ: ສຳນັກຂ່າວສານຊິນຮວາ/ສຳນັກຂ່າວສານຫວຽດນາມ)
(vovworld) – ມາເລເຊຍໄດ້ດຳລົງຕຳແໜ່ງເປັນປະທານໝູນວຽນຂອງສະພາຄວາມໝັ້ນຄົງ ສປຊ ໃນເດືອນ 8 ຢ່າງເປັນທາງການ. ກະຊວງການຕ່າງປະເທດ ມາເລເຊຍ ໄດ້ອອກແຈ້ງການຕໍ່ສື່ມວນຊົນໃນວັນທີ 3/8 ໃຫ້ຮູ້ວ່ານີ້ເປັນຄັ້ງທີສອງ ມາເລເຊຍ ໄດ້ຮັບດຳລົງຕຳແໜ່ງດັ່ງກ່າວນັບແຕ່ເມື່ອປະເທດນີ້ໄດ້ເລືອກຕັ້ງເປັນສະມາຊິກບໍ່ປະຈຳຂອງ ສະພາຄວາມໝັ້ນຄົງ ສປຊ ອາຍຸການ 2015 – 2016. ມາເລເຊຍ ມີແຜນການໂຮມປະຊຸມການປຶກສາຫາລືເປີດເຜີຍກ່ຽວກັບອາວຸດລ້າງຜານ (WMD) ໃນວັນທີ 23/8 ຈະມາເຖິງ, ເພື່ອແນໃສ່ແກ້ໄຂບັນດາໄຟນາບຂູ່ ແລະ ສິ່ງທ້າທາຍໃໝ່ໃນການສະກັດກັ້ນການແຜ່ຂະຫຍາຍ WMD, ກໍ່ຄືບັນດາເຊື້ອເພິງ ແລະ ເຕັກໂນໂລຢີກ່ຽວຂ້ອງ ເຖິງບັນດາອົງການບໍ່ຂຶ້ນກັບລັດ. ແຈ້ງຂ່າວໃຫ້ຮູ້ວ່າຕື່ມອີກວ່າ: ມາເລເຊຍ ກໍ່ຈະເປັນປະທານໃນວາລະປະຊຸມກ່ຽວກັບການປົກປ້ອງເດັກໃນການປະທະກັນດ້ວຍກຳລັງອາວຸດ ແລະ ຈັດຕັ້ງບັນດາວາລະປຶກສາຫາລືກ່ຽວກັບບັນດາບັນຫາ ປາແລດສະຕີນ, Yemen, ຊີຣີ ແລະ Liban… ໃນຖານະເປັນປະທານ, ມາເລເຊຍ ກໍ່ສ້າງເງື່ອນໄຂໃຫ້ວິວັດການຄັດເລືອກເລຂາທິການໃຫຍ່ຄົນໃໝ່, ແທນໃຫ້ທ່ານ Ban ki Moon ພາຍຫຼັງສິ້ນສຸດອາຍຸການໃນເດືອນ 12/2016.