( vov world ) ລັດຖະບານ ມ້ຽນມ້າ ຫາກໍບັນລຸໄດ້ຂໍ້ຕົກລົງຢຸດຍິງກັບກຸ່ມທະຫານກະບົດຊົນເຜົ່າສ່ວນໜ້ອຍອື່ນ, ໃນຄວາມມະນາພະຍາຍາມຫຼ້າສຸດຂອງລັດຖະບານເພື່ອແນໃສ່ຮັບປະກັນສະຖຽນລະພາບທາງດ້ານການເມືອງ, ນັກໄກ່ເກ່ຍພົນລະເຮືອນ ທ່ານ Hla Maung Shwe ໃຫ້ຮູ້ວ່າ, ຂໍ້ຕົກລົງໃໝ່ນີ້ບັນລຸໄດ້ລະຫວ່າງອຳນາດການປົກຄອງລັດ Mon ແລະ ກຸ່ມປະກົດມີຊືວ່າພັກລັດ Mon ໃໝ່ ( New Mon State Party ). ວັນທີ 1 ກຸມພາ ທີ່ຜ່ານມາ, 2 ຝ່າຍໄດ້ເຫັນດີໃຫ້ກຸ່ມທະຫານກະບົດນີ້ເປີດຫ້ອງການຕິດຕໍ່ພົວພັນ ແລະ ໄປມາຢ່າງເສລີເຊິ່ງບໍ່ພົກອາວຸດ. 2 ຝ່າຍກໍ່ເຫັນດີຈະພົບປະຄັ້ງໃໝ່ໃນອາທິດທີ 3 ເດືອນ ກຸມພານີ້ ເພື່ອປຶກສາຫາລືກ່ຽວກັບຂໍ້ຕົກລົງທີ່ມີຂອບເຂດກວ້າງກວ່າ.
ທ່ານ Hla Maung Shwe ໄດ້ເວົ້າວ່າ, ໃນໄລຍະມໍ່ໆມານີ້ລັດຖະບານ ມ້ຽນມ້າ ກໍ່ບັນລຸໄດ້ຂໍ້ຕົກລົງເຊັ່ນດ່ຽວກັນກັບບັນດາກຸ່ມປະກອບອາວຸດຊົນເຜົ່າສ່ວນນ້ອຍອື່ນຄື Karen. Shan, Chin, Wa ແລະ Kokang. ລັດຖະບານ ມ້ຽນມ້າ ຫາກໍໄດ້ຮັບການເລືອກຕັ້ງຈາກປະຊາຊົນຢ່າງມີປະຊາທິປະໄຕ ເຊິ່ງພວມມານະພະຍາຍາມບັນລຸໄດ້ຂໍ້ຕົກລົງສັນຕິພາບຕ່າງໆກັບກຸ່ມປະກອບອາວຸດຊົນເຜົ່າສ່ວນໜ້ອຍອື່ນໆ ເຊິ່ງມີການປະທະກັນກັບກອງທັບລັດຖະບານເພື່ອທ່ວງເອົາແຍກອອກປົກຄອງຕົວເອງໃນຫຼາຍທົດສະວັດທີ່ຜ່ານມາ.