( vovworld ) - ຕາມແວບໄຊຂອງຫ້ອງວ່າການປະທານາທິບໍດີມ້ຽນມາ,ລັດຖະບານປະເທດນີ້ໄດ້ສ້າງຕັ້ງກຸ່ມສ້າງສັນຕິພາບສູງສຸດເຊິ່ງລວມມີສະມາຊິກ 11 ທ່ານ ໂດຍທ່ານປະທານນາທິບໍດີ Thein Sein ເປັນຜູ້ບໍລິຫານ, ເພື່ອແນໃສ່ປະຕິບັດໜ້າທີ່ເຈລະຈາສັນຕິພາບກັບບັນດາກຸ່ມຊົນເຜົ່າປະກອບອາວຸດຢ່າງມີປະສິດທິຜົນ. ນີ້ເປັນຄັ້ງທຳອິດທີ່ມ້ຽນມາປະກາດເລື່ອງສ້າງຕັ້ງກຸ່ມດັ່ງກ່າວຢ່າງເປັນທາງການ. ພ້ອມກັນນັ້ນ, ລັດຖະບານມ້ຽນມ້າໄດ້ສ້າງຕັ້ງຄະນະກຳມະການສ້າງສັນຕິພາບເຊິງລວມມີສະມາຊິກ 52 ທ່ານ, ໂດຍທ່ານຮອງປະທານາທິບໍດີ Sai Mauk Kham ເປັນປະທານ.
ໄລ່ມາຮອດຈຸດເວລານີ້, ມີ 12 ກຸ່ມຊົນເຜົ່າປະກອບອາວຸດ ບັນລຸໄດ້ບັນດາສົນທິສັນຍາສັນຕິພາບເບື້ອງຕົ້ນກັບອຳນາດການປົກຄອງຂັ້ນລັດ ຫຼືສູນກາງຢູ່ມ້ຽນມາ ນັບແຕ່ເມື່ອທ່ານປະທານາທິບໍດີ Thein Sein ສະເໜີດຳເນີນການເຈລະຈາສັນຕິພາບກັບບັນດາກຸ່ມຊົນເຜົ່າປະກອບອາວຸດເມື່ອເດືອ 8 ປີ 2012.