(vovworld) – ມຽນມາ ຈະຈັດຕັ້ງກອງປະຊຸມຂັ້ນສູງການຮ່ວມມື ກຳປູເຈຍ-ລາວ-ມຽນມາ-ຫວຽດນາມ (CLMV) ຄັ້ງທີ 7 ຢູ່ນະຄອນຫຼວງ Nay Pyi Taw ໃນທ້າຍເດືອນ 6 ນີ້. ຄຽງຂ້າງນັ້ນ, ກອງປະຊຸມຂັ້ນສູງຄັ້ງທີ 6 ຍຸດທະສາດການຮ່ວມມືດ້ານເສດຖະກິດ Ayeyawaddy-Chao-Phraya-Mekong (ACMECS) ດ້ວຍການເຂົ້າຮ່ວມຂອງ 4 ປະເທດດັ່ງກ່າວ ແລະ ໄທ ກໍຈະໄດ້ຮັບການຈັດຕັ້ງຢູ່ນະຄອນຫຼວງ Nay Pyi Taw ໃນລະຫວ່າງວັນທີ 22-23/6. ທ່ານຮອງປະທານາທິບໍດີມຽນມາ Sai Mauk Kham, ຫົວໜ້າຄະນະກຳມະການຊີ້ນຳສູນກາງ ກ່ຽວກັບການຈັດຕັ້ງກອງປະຊຸມ ໃຫ້ຮູ້ວ່າ: CLMV ຈະປຶກສາຫາລື ກ່ຽວກັບການຮ່ວມມືລະຫວ່າງ 4 ປະເທດໃນບັນດາຂົງເຂດການຄ້າ, ການລົງທຶນ, ການພັດທະນາຊັບພະຍາກອນມະນຸດ, ກະສິກຳ, ພະລັງງານ, ຄົມມະນາຄົມຂົນສົ່ງ ແລະ ການທ່ອງທ່ຽວ. ກອງປະຊຸມ CLMV ໄດ້ຮັບການຈັດຕັ້ງ 2 ປີເທື່ອໜຶ່ງ. 2 ກອງປະຊຸມດັ່ງກ່າວໄດ້ຮັບການສົມທົບກັນຈັດຕັ້ງແຕ່ປີ 2008. ຄັ້ງຫຼ້າສຸດຂອງ 2 ກອງປະຊຸມດັ່ງກ່າວແມ່ນໄດ້ຮັບການຈັດຕັ້ງໃນເດືອນ 3/2013 ຢູ່ນະຄອນຫຼວງ ວຽງຈັນ, ປະເທດ ລາວ .