(vovworld) – ວັນທີ 30/05, ສະພາແຫ່ງຊາດສືບຕໍ່ກອງປະຊຸມຄັ້ງທີ 7 ດ້ວຍຫຼາຍເນື້ອໃນສຳຄັນ. ເຊິ່ງຕາມນັ້ນແລ້ວ, ໃນຕອນເຊົ້າວັນທີ 30/05, ສະພາແຫ່ງຊາດຮັບຟັງກ່ຽວກັບຮ່າງກົດໝາຍວ່າດ້ວຍການຈັດຕັ້ງສະພາແຫ່ງຊາດ (ສະບັບປັບປຸງ); ບົດລາຍງານກວດກາຮ່າງກົດໝາຍວ່າດ້ວຍການຈັດຕັ້ງສະພາແຫ່ງຊາດ (ສະບັບປັບປຸງ) ແລະ ບົດລາຍງານອະພິປາຍ, ຮັບເອົາ, ປັບປຸງຮ່າງກົດໝາຍວ່າດ້ວຍພາສີ (ສະບັບປັບປຸງ). ສະພາແຫ່ງຊາດໄດ້ປຶກສາຫາລືຢູ່ຫໍປະຊຸມກ່ຽວກັບບາງເນື້ອໃນທີ່ຍັງມີຄວາມເຫັນແຕກຕ່າງກັນຂອງຮ່າງກົດໝາຍວ່າດ້ວຍພາສີ (ສະບັບປັບປຸງ).
ໃນຕອນບ່າຍ, ສະພາແຫ່ງຊາດໄດ້ລົງມະຕິຮັບຮອງເອົາມະຕິກ່ຽວກັບການສ້າງກົດໝາຍ, ລັດຖະບັນຍັດປີ 2015, ປັບປຸງໂຄງການສ້າງກົດໝາຍ, ລັດຖະບັນຍັດຊຸດທີ 13 ແລະ ປີ 2014 ຂອງສະພາແຫ່ງຊາດ. ສະພາແຫ່ງຊາດກໍ່ຮັບຟັງບົດລາຍງານອະພິປາຍ, ຮັບເອົາ, ປັບປຸງຮ່າງກົດໝາຍວ່າດ້ວຍການປົກປັກຮັກສາສິ່ງແວດລ້ອມ (ສະບັບປັບປຸງ). ສະພາແຫ່ງຊາດຍັງປຶກສາຫາລືຢູ່ຫໍປະຊຸມກ່ຽວກັບບາງເນື້ອໃນທີ່ຍັງມີຄວາມເຫັນແຕກຕ່າງກັນຂອງຮ່າງກົດໝາຍວ່າດ້ວຍການປົກປັກຮັກສາສິ່ງແວດລ້ອມ (ສະບັບປັບປຸງ).