(vovworld) - ຕາມແຜນການເຮັດວຽກໃນຕອນເຊົ້າວັນທີ 23/5, ສະພາແຫ່ງຊາດປຶກສາຫາລືຢູ່ໜ່ວຍກ່ຽວກັບການຕີລາຄາເພີ່ມເຕີມໝາກຜົນແຫ່ງການປະຕິບັດແຜນພັດທະນາເສດຖະກິດ - ສັງຄົມ ແລະ ງົບປະມານແຫ່ງລັດປີ 2013, ວິທີຮັບປະກັນຄວາມດຸນດຽງງົບປະມານສູນກາງ ແລະ ງົບປະມານທ້ອງຖີ່ນປີ 2013, ການຜັນຂະຫຍາຍປະຕິບັດແຜນພັດທະນາເສດຖະກິດ - ສັງຄົມ ແລະ ງົບປະມານແຫ່ງລັດຊຸມເດືອນຕົ້ນປີ 2014, ສະຫລຸບບັນຊີງົບປະມານແຫ່ງລັດປີ 2012.
ຕອນບ່າຍວັນດຽວກັນ, ສະພາແຫ່ງຊາດໄດ້ຮັບຟັງລັດຖະມົນຕີກະຊວງການເງິນ ດິງຕ໋ຽນຢູ້ງ, ດ້ວຍການມອບສິດຂອງນາຍົກລັດຖະມົນຕີ ຂຶ້ນກ່າວໃບສະເໜີຮ່າງກົດໝາຍວ່າດ້ວຍການຄຸ້ມຄອງ, ນຳໃຊ້ເງິນຂອງລັດລົງທຶນເຂົ້າໃນການຜະລິດດຳເນີນທຸລະກິດ. ຫົວໜ້າກຳມາທິການເສດຖະກິດຂອງ ສະພາແຫ່ງຊາດ ຫງວຽນວັນເຢົ່າ, ສະເໜີບົດລາຍງານກວດກາຮ່າງກົດໝາຍວ່າດ້ວຍການຄຸ້ມຄອງ, ນຳໃຊ້ເງິນຂອງລັດລົງທຶນເຂົ້າໃນການຜະລິດ, ດຳເນີນທຸລະກິດ. ຫຼັງຈາກນັ້ນ, ຫົວໜ້າກຳມາທິການປ້ອງກັນຊາດ ແລະ ປ້ອງກັນຄວາມສະຫງົບຂອງສະພາແຫ່ງຊາດ ທ່ານ ຫງວຽນກິມຄວາ ສະເໜີບົດລາຍງານອະພິປາຍ, ຮັບເອົາຄຳເຫັນ, ປັບປຸງຮ່າງກົດໝາຍວ່າດ້ວຍການເຂົ້າ, ອອກເມືອງ, ຂ້າມແດນ, ຢູ່ອາໄສຂອງຊາວ ຕ່າງປະເທດ ຢູ່ ຫວຽດນາມ ແລະ ກໍ່ໃນວາລະເຮັດວຽກໃນຕອນບ່າຍວັນທີ 23/5, ສະພາແຫ່ງຊາດປຶກສາຫາລືຢູ່ຫໍປະຊຸມ ກ່ຽວກັບບາງເນື້ອໃນທີ່ຍັງມີຄວາມເຫັນທີ່ແຕກຕ່າງກັນຂອງຮ່າງກົດໝາຍວ່າດ້ວຍການເຂົ້າ, ອອກເມືອງ, ຂ້າມແດນ, ຢູ່ອາໄສຂອງຊາວຕ່າງປະເທດຢູ່ ຫວຽດນາມ.