ມື້ເຮັດວຽກທີ6ຂອງກອງປະຊຸມຄັ້ງທີ10ຄະນະບໍລິຫານງານສູນກາງພັກຊຸດທີ 11
|
(vovworld) -ໂດຍສືບຕໍ່ລາຍການເຮັດວຽກຂອງ ກອງປະຊຸມຄັ້ງທີ 10 ຄະນະບໍລິຫານງານສູນກາງພັກຊຸດທີ 11, ວັນທີ 10/1, ຄະນະບໍລິຫານງານສູນກາງພັກໄດ້ດຳເນີນວາລະປະຊຸມຄົບຄະນະທີ່ຫໍປະຊຸມ. ທ່ານເລຂາທິການໃຫຍ່ ຫງວຽນຟູ໋ຈ້ອງໄດ້ເປັນປະທານກອງປະຊຸມ. ທ່ານ ເລຮົ່ງແອງ, ກຳມະການກົມການເມືອງ, ຜູ້ປະຈຳການຄະນະເລຂາ ໄດ້ອ່ານໃບສະເໜີຂອງກົມການເມືອງກ່ຽວກັບເລື່ອງລົງຄະແນນສຽງໄວ້ວາງໃຈຂອງ ຄະນະບໍລິຫານງານສູນກາງພັກສຳລັບບັນດາກຳມະການກົມການເມືອງ, ຄະນະເລຂາຊຸດທີ 11. ຫຼັງຈາກນັ້ນສູນກາງດຳເນີນການລົງຄະແນນສຽງໄວ້ວາງໃຈ. ທ່ານ ໂຕຮູຍເຣື໋ອ, ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະຈັດຕັ້ງສູນກາງ ໄດ້ອ່ານໃບສະເໜີຂອງກົມການເມືອງກ່ຽວກັບເລື່ອງຮັບເອົາຄຳເຫັນຈາກສູນກາງສຳລັບລາຍຊື່ບຸກຄະລາກອນມີມາດຖານຢ່າງພຽງພໍເພື່ອພິຈາລະນາ, ເລືອກເຟັ້ນເພີ່ມເຕີມໃນແຜນກຳນົດກົມການເມືອງ, ຄະນະເລຂາ. ຫຼັງຈາກນັ້ນດຳເນີນການຮັບເອົາຄຳເຫັນຈາກສູນກາງກ່ຽວກັບລາຍຊື່ດັ່ງກ່າວ. ແລະກໍ່ໃນວັນດຽວກັນ, ຄະນະບໍລິຫານງານສູນກາງພັກ ດຳເນີນການປຶກສາຫາລືຢູ່ໜ່ວຍກ່ຽວກັບແຜນຮ່າງຫຼຸດຜ່ອນບັນຈຸພະນັກງານ ແລະ ສ້າງໂຄງປະກອບຖັນແຖວພະນັກງານ, ລັດຖະກອນ, ພາລະກອນຄືນໃໝ່.