(VOVWORLD) -ຕອນບ່າຍວັນທີ 12 ພຶດສະພາ, ຢູ່ກະຊວງສາທາລະນະສຸກ ຫວຽດນາມ ໄດ້ດຳເນີນພິທີສະເຫຼີມສະຫຼອງ ວັນພະຍາບານສາກົນຄື ວັນທີ 12 ພຶດສະພາ. ພິທີໄດ້ຢັ້ງຢືນບົດບາດຂອງພະຍາບານບົວລະບັດ, ພະຍາບານພະດຸງຄັນໃນການດູແລສຸຂະພາບຂອງປະຊາຊົນ, ເປັນຕົ້ນແມ່ນໃນໄລຍະທີ່ໂລກລະບາດ Covid – 19 ຍັງຄົງມີການຜັນແປຢ່າງສັນສົນໃນໂລກ.
 ພາບປະກອບ: TTXVN |
ຕາມທ່ານຮອງສາດສະດາຈານ, ປ.ອ ເລືອງງອກເຄວ, ຫົວໜ້າກົມຄຸ້ມຄອງການກວດ, ປິ່ນປົວພະຍາດ, ກະຊວງສາທາລະນະສຸກແລ້ວ, ຄຸນນະພາບໃນການດູແລຄົນເຈັບໃນໄລຍະທີ່ຜ່ານມາ ມີບັນດາການປ່ຽນແປງຢ່າງຈະແຈ້ງ ຜ່ານການປ່ຽນແປງໃໝ່ບັນດາຮູບແບບການແບ່ງໜ້າທີ່ວຽກງານດູແລ, ຈັດຕັ້ງການດູແລຄົນເຈັບ, ບັນດາບໍລິການໂດຍພະຍາບານບົວລະບັດ, ພະຍາບານພະດຸງຄັນສະໜອງ ນັບມື້ນັບໄດ້ປະກອບສ່ວນສຳຄັນເຂົ້າໃນການຍົກສູງຄຸນນະພາບໃນການດູແລສຸຂະພາບຂອງປະຊາຊົນຢ່າງຮອບດ້ານ.
ພິເສດ, ໃນວຽກງງານປ້ອງກັນ, ສະກັດກັ້ນໂລກລະບາດ Covid – 19 ໃນໄລຍະທີ່ຜ່ານມາ, ບັນດາພະຍາບານບົວລະບັດ, ພະຍາບານພະດຸງຄັນໄດ້ມີການປະກອບສ່ວນຢ່າງມີປະສິດທິຜົນພ້ອມກັບບັນດາແພດໝໍຂະແໜງອື່ນໆຍູ້ໂລກລະບາດໃຫ້ຖອຍໄປເທື່ອລະກ້າວ.