(vovworld) - ວັນທີ 20/2, ເມື່ອຕອບຄຳຖາມຂອງນັກຂ່າວກ່ຽວກັບປະຕິກິລິຍາຂອງຫວຽດນາມ ຕໍ່ເລື່ອງຕົ້ນອາທິດນີ້, ໂຄສົກກະຊວງການຕ່າງປະເທດອາເມລິກາ ໄດ້ອອກແຈ້ງຂ່າວທີ່ກ່ຽວຂ້ອງເຖິງຄຳຕັດສິນຂອງສານສຳລັບ ເລກວົກກວນ, ຜູ້ທີ່ຫາກໍ່ຖືກສານຊັ້ນຕົ້ນຮ່າໂນ້ຍ ຕັດສິນຈຳຄຸກ 30 ເດືອນ ແລະ ປັບໄໝເງິນ 1,2 ຕື້ດົ່ງ, ຍ້ອນໂທດໜີພາສີ. ໂຄສົກກະຊວງການຕ່າງປະເທດຫວຽດນາມ ເລຫາຍບິ່ງ, ຊີ້ແຈ້ງວ່າ:
“ພວກຂ້າພະເຈົ້າຖືວ່າ, ຄຳເຫັນຂອງໂຄສົກກະຊວງການຕ່າງປະເທດອາເມລິກາ ແມ່ນບໍ່ເໝາະສົມ, ແຊກແຊງເຂົ້າວຽກງານພາຍໃນຂອງ ຫວຽດນາມ. ຢູ່ຫວຽດນາມ ບໍ່ມີອັນເອີ້ນວ່າ “ນັກໂທດມະໂນທຳ“. ຜູ້ລະເມີດກົດໝາຍທຸກຄົນລ້ວນແຕ່ຖືກພິພາກສາຕາມຂໍ້ກຳນົດຂອງກົດໝາຍ “.
ຕອບຄຳຖາມຂອງນັກຂ່າວກ່ຽວກັບປະຕິກິລິຍາຂອງຫວຽດນາມ ຕໍ່ເລື່ອງອາເມລິກາ ຫາກໍ່ຮັບຮອງເອົາກົດໝາຍວ່າດ້ວຍກະສີກຳ 2014, ໃນນັ້ນມີເນື້ອໃນກ່ຽວກັບລາຍການຕິດຕາມກວດກາປາໜັງ ແລະ ກຳນົດການຜະລິດ, ການຫີບຫໍ່ ແລະ ການຜະລິດເທົ່າທຽມກັບສິນຄ້າທີ່ຜະລິດຢູ່ອາເມລິກາ. ໂຄສົກກະຊວງການຕ່າງປະເທດຫວຽດນາມ ເລຫາຍບິ່ງ, ຊີ້ແຈ້ງວ່າ:
“ໃນຊຸມປີຜ່ານມາ, ຫວຽດນາມ ຍາມໃດກໍ່ກວດກາຂະແໜງປູກ ແລະ ຜະລິດສິນໃນນຳ້ຢ່າງແໜ້ນແຟ້ນ, ນຳໃຊ້ບັນດາມາດຕະຖານສູງສຸດຂອງໂລກ, ໃນນັ້ນມີມາດຕະຖານ BAP ຂອງອາເມລິກາ, ອັນໄດ້ຮັບປະກັນເງື່ອນໄຂອະນາໄມ, ຄວາມປອດໄພທັນຍາຫານ ກໍ່ຄືປົກປັກຮັກສາຊີວະພາບ, ຜະລິດຕະພັນປາໜັງຂອງຫວຽດນາມ ໄດ້ຮັບຄວາມນິຍົມຈາກຜູ້ ບໍລິໂພກ, ອຸປະໂພກຢູ່ໃນໂລກເປັນຈຳນວນຫຼວງຫຼາຍ. ພວກຂ້າພະເຈົ້າຖືວ່າ, ບັນດາມາດຕະການໃໝ່ໃນລາຍການຕິດຕາມກວດກາປາໜັງໃນກົດໝາຍວ່າດ້ວຍກະສີກຳ 2014 ຕ້ອງປະຕິບັດຕາມຄຳໝັ້ນສາຍາສາກົນຂອງອາເມລິກາ, ບໍ່ໄດ້ສ້າງບັນດາຮົ້ວກີດຂວາງດ້ານການຄ້າ“.