ຢາກເສີມຂະຫຍາຍປະຊາທິປະໄຕຕ້ອງປະຕິບັດການຕິດຕາມກວດກາແລະໄຈ້ແຍກຕີລາຄາສັງຄົມເປັນຢ່າງດີ
ທ່ານປະທານຄະນະກຳມະການສູນກາງ
ແນວໂຮມປະເທດຊາດຫວຽດນາມ ຫງວຽນທ້ຽນເຍີນ
(ພາບປະກອບ)
(vovworld) – ຕອນເຊົ້າວັນທີ 26/10, ຢູ່ຮ່າໂນ້ຍ, ຄະນະກຳມະການສູນກາງແນວໂຮມປະເທດຊາດຫວຽດນາມ, ສະພາມະຫາບັນດິດວິທະຍາສາດ ສັງຄົມຫວຽດນາມ, ສະພາມະຫາບັນດິດວິທະຍາສາດ ແລະ ເຕັກໂນໂລຊີຫວຽດນາມ ແລະ ອົງການກວດການລັດຖະບານ ໄດ້ຈັດການໂອ້ລົມສົນທະນາ ປະກອບຄຳເຫັນໃສ່ຮ່າງເອກະສານກອງປະຊຸມໃຫຍ່ຄັ້ງທີ 12 ຂອງພັກດ້ວຍຫົວຂໍ້ວ່າ “ເສີມຂະຫຍາຍປະຊາທິປະໄຕໃນສະໄໝອີນເຕີແນັດ; ຕິດຕາມກວດກາ ແລະ ໄຈ້ແຍກຕີລາຄາສັງຄົມ; ປ້ອງກັນ, ຕ້ານການສໍ້ລາດບັງຫຼວງ”. ທີ່ການໂອ້ລົມສົນທະນາ, ບັນດາຜູ້ແທນໄດ້ຖືວ່າ ຢາກເສີມຂະຫຍາຍປະຊາທິປະໄຕ ບັນຫາສຳຄັນທີ່ສຸດແມ່ນຕ້ອງປະຕິບັດການເຄື່ອນໄຫວຕິດຕາມກວດກາ ແລະ ໄຈ້ແຍກຕີລາຄາສັງຄົມຢ່າງເຂັ້ມງວດ. ການເຄື່ອນໄຫວຕິດຕາມກວດກາ ແລະ ໄຈ້ແຍກຕີລາຄາສັງຄົມ ແມ່ນມາດຕະການຕໍ່ສູ້, ປ້ອງກັນ, ຕ້ານການສໍ້ລາດບັງຫຼວງຢ່າງມີປະສິດທິຜົນ. ທ່ານສາດສະດາຈານ, ດ.ຣ ໂຮ່ສິກຸຍ, ອະດີດຫົວໜ້າສະຖາບັນຖະແຫຼງຂ່າວວິທະຍາສາດສັງຄົມ ຖືວ່າ.
“ປະຊາທິປະໄຕ ແລະ ລັດແຫ່ງອຳນາດຕິຕິບັນຍັດໄປຄຽງຄູ່ນຳກັນ. ປະຊາຊົນມີຄວາມຮັບຜິດຊອບໄຈ້ແຍກຕີລາຄານະໂຍບາຍ, ກົດໝາຍ, ນັບທັງການກໍ່ສ້າງພັກ. ປະຊາທິປະໄຕບໍ່ພຽງແຕ່ຢູ່ນອກຂົງເຂດສັງຄົມເທົ່ານັ້ນ, ຫາກຍັງຢູ່ໃນວຽກງານຂອງພັກ ໃນບັນດາການເຄື່ອນໄຫວດຳເນີນຊີວິດຂອງພັກອີກດ້ວຍ”.
ກ່າວຄຳເຫັນທີ່ການໂອ້ລົມສົນທະນາ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ຖືວ່າ, ດ້ວຍການພັດທະນາຢ່າງແຮງຂອງອີນເຕີແນັດ, ປະຊາທິປະໄຕນັບມື້ນັບມີເງື່ອນໄຂເພື່ອພັດທະນາ. ທ່ານ ຫງວຽນທ້ຽນເຍີນ ຢືນຢັນວ່າ, ເສີມຂະຫຍາຍປະຊາທິປະໄຕ ແມ່ນຕ້ອງເວົ້າຖືກ, ຂຽນຖືກ, ຈາກນັ້ນຈຶ່ງມີຄວາມເຫັນດີເຫັນພ້ອມໃນປະຊາຊົນ. ດ້ານອື່ນ, ຕ້ອງຮັບຟັງຄຳເວົ້າຂອງປະຊາຊົນເວົ້າ ເພື່ອເສີມຂະຫຍາຍກຸ່ມກ້ອນມະຫາສາມັກຄີທົ່ວປວງຊົນທັງຊາດ.