(vovworld) – ດ້ວຍ 253 ບັດເຫັນດີ, ວັນທີ 25/12, ສະພາແຫ່ງຊາດຢູແກຼນ ໄດ້ຮັບຮອງເອົາຮ່າງກົດໝາຍມອບສິດອຳນາດຕື່ມອີກໃຫ້ສະພາປ້ອງກັນຄວາມສະຫງົບແຫ່ງຊາດ ແລະ ປ້ອງກັນປະເທດ (NSDC) ຂອງປະເທດນີ້. ອົງການສື່ສານຂອງສະພາແຫ່ງຊາດຢູແກຼນ ໃຫ້ຮູ້ວ່າ, ຕາມຮ່າງກົດໝາຍສະບັບໃໝ່ດັ່ງກ່າວ, ນອກຈາກມີສິດຄຸ້ມຄອງກະຊວງປ້ອງກັນປະເທດ ແລະ ບັນດາກຳລັງປະກອບອາວຸດຄືແຕ່ກ່ອນແລ້ວ, NSDC ຍັງມີສິດຄວບຄຸ້ມພາກສ່ວນໜຶ່ງບັນດາອົງການປະຕິບັດກົດໝາຍ, ຕ້ານການສໍ້ລາດບັງຫຼວງ ແລະ ບັນດາອົງການອຳນາດບໍລິຫານ. ທ່ານເລຂາ NSDC ຍັງມີສິດປະກາດກົດໄອຍະການເສິກ, ຫຼືສະພາບການສຸກເສີນຢູ່ຢູແກຼນ ໃນກໍລະນີເກີດໄພນາບຂູ່ເຖິງຄວາມສະຫງົບແຫ່ງຊາດ. ກ່ອນນີ້, ທ່ານປະທານາທິບໍດີຢູແກຼນ ແມ່ນຜູ້ໜຶ່ງດຽວທີ່ມີສິດຈັດວາງກົດລະບຽບປ້ອງກັນຄວາມສະຫງົບພິເສດຢູ່ປະເທດນີ້.