ຕາມຂໍ້ສະເໜີຂອງທ່ານປະທານາທິບໍດີລັດເຊຍ Vladimir Putin. ກ່ອນໜ້ານັ້ນ, ລັດເຊຍ ໄດ້ສະເໜີຕໍ່ສະພາຄວາມໝັ້ນຄົງສະຫະປະຊາຊາດ ອະນຸຍາດໃຫ້ຜັນຂະຫຍາຍຄະນະປະຕິບັດງານປະກອບອາວຸດເບົາມາ ເພື່ອປົກປ້ອງບັນດານັກສັງເກດການສາກົນທີ່ພວມຕິດຕາມກວດກາການປະທະກັນຢູ່ພາກຕາເວັນອອກຂອງຢູແກຼນ. ມົດສະກູ ປາດຖະໜາວ່າ ກຳລັງດັ່ງກ່າວພຽງເຄື່ອນໄຫວຢູ່ລຽບຕາມເຂດປະທະກັນລະຫວ່າງກຳລັງລັດຖະບານຢູແກຼນ ກັບບັນດາກຳລັງທີ່ໄດ້ຮັບການສະໜັບສະໜູນຈາກລັດເຊຍ. ເຖິງຢ່າງໃດກໍ່ຕາມ, ທ່ານ Poroshenko ໄດ້ຄັດຄ້ານຂໍ້ສະເໜີຂອງລັດເຊຍ ແລະ ເນັ້ນໜັກວ່າ, ຄະນະປະຕິບັດງານຂອງສະຫະປະຊາຊາດ ຕ້ອງໄດ້ຮັບອະນຸຍາດລາດຕາເວນໃນເຂດປະທະກັນທັງໝົດ ແລະ ເຂດຊາຍແດນລະຫວ່າງລັດເຊຍ ກັບຜືນແຜ່ນດິນເຊິ່ງກຳລັງທວງເອົາເປັນເອກະລາດພວມຄວບຄຸມ.