ຢູແກຼນຍຸບເລິກສະພາ ແຫ່ງຊາດ
ທ່ານ Petro Poroshenko
(ພາບ: vov )
(vovworld) –ວັນທີ 25/8, ປະທານາທິບໍດີ ຢູແກຼນ Petro Poroshenko ຕົກລົງຍຸບເລິກສະພາແຫ່ງຊາດ ແລະ ກຳນົດການເລືອກຕັ້ງທົ່ວປະເທດກ່ອນກຳນົດເວລາ ຄືໃນວັນທີ 26/10 ຈະມາເຖິງ. ໃນແຈ້ງການທາງໜ້າເວັບຂອງປະທານາທິບໍດີ, ປະທານາທິບໍດີ ຢູແກຼນ Petro Poroshenko ຢ້ຳຄືນວ່າ, ວັນທີ 24/8, ພັນທະມິດສ່ວນຫຼາຍສະໜັບສະໜູນລັດຖະບານທີ່ສະພາແຫ່ງຊາດໄດ້ພັງທະລາຍແລ້ວ. ໃນຮອບເວລາ 1 ເດືອນ, ພັນທະມິດບໍ່ໄດ້ຮັບການສ້າງຕັ້ງຂຶ້ນ, ສະນັ້ນ, ຕາມຂໍ້ກຳນົດຂອງລັດຖະທຳມະນູນ, ປະທານາທິບໍດີມີສິດຍຸບເລິກສະແຫ່ງຊາດ. ທ່ານ Petro Poroshenko ເອີ້ນວ່າ, ນີ້ແມ່ນ “ຂໍ້ຕົກລົງທີ່ມີຄວາມຮັບຜິດຊອບ ແລະ ຖືກຕ້ອງພຽງໜຶ່ງດຽວ“ ຖືກຍົກອອກມາອີງຕາມໝາກຜົນໃນການຢັ່ງຫາງສຽງສັງຄົມ, ຊື່ງຕາມທ່ານແລ້ວ, ມີເຖິງ “ປຊຊ 80% ສະໜັບສະໜູນການເລືອກຕັ້ງກ່ອນກຳນົດເວລາ“. ປະທານາທິບໍດີ ຢູແກຼນ Petro Poroshenko ຕີລາຄາວ່າ, ພາກສ່ວນໃນປະຈຸບັນຢູ່ສະພາແຫ່ງຊາດບໍ່ສອດຄ່ອງກັບສະພາບການເມືອງຢູແກຼນ ແລະ ການດຳເນີນການເລືອກຕັ້ງກ່ອນກຳນົດເວລາ ແມ່ນສ່ວນໜຶ່ງໃນແຜນການສັນຕິພາບດ້ວຍປັດໄຈຕົ້ນຕໍແມ່ນ “ການເຈລະຈາການເມືອງກັບ Donbass“. ຕາມທ່ານ Petro Poroshenko ແລ້ວ, ບັນດາຜູ້ແທນໃນເຂດ Donbass ໄດ້ຮັບການເລືອກຕັ້ງຈະຍາດໄດ້ຄວາມເຊື່ອໝັ້ນ ແລະ ສິດຕາງໜ້າໃຫ້ເຂດໃນການພົບປະກັບອຳນາດການປົກຄອງສູນກາງຄັ້ງຕ່າງໆ./.