(vovworld) – ວັນທີ 20/6, ຜູ້ຮັກສາການລັດຖະມົນຕີກະຊວງປ້ອງກັນປະເທດ ຢູແກຼນ ທ່ານ Mykhailo Koval ຖະແຫຼງວ່າ: ບັນດາກຳລັງປ້ອງກັນຄວາມສະຫງົບຂອງປະເທດນີ້ ຍາດເອົາສິດຄວບຄຸມເຂດຊາຍແດນພາກຕາເວັນອອກ, ສະກັດກັ້ນການຂົນສົ່ງອາວຸດໃຫ້ບັນດາມືປືນ ຮຽກຮ້ອງຫັນເຂດຂາດສະຖຽນລະພາບນີ້ເປັນສະຫະພັນ. ທ່ານ Koval ຢືນຢັນວ່າ: ປະຈຸບັນບັນດາກຳລັງປ້ອງກັນຄວາມສະຫງົບ ຢູແກຼນ ໄດ້ສ້າງການຄວບຄຸມຢູ່ອ້ອມແອ້ມເຂດຊາຍແດນ.
ກ່ຽວຂ້ອງເຖິງວິກິດການຢູ່ ຢູແກຼນ, ອະດີດປະທານາທິບໍດີ 3 ທ່ານຂອງປະເທດນີ້ຄືທ່ານ Leonid Kravchuk, Leonid Kuchma ແລະ ທ່ານ Viktor Yushchenko ໄດ້ຝາກຈົດໝາຍເຖິງປະທານາທິບໍດີຄົນປະຈຸບັນ Petro Poroshenko ສະເໜີບັນດາມາດຕະການເພື່ອແນໃສ່ນຳປະເທດຫລຸດພົ້ນອອກຈາກວິກິດການໃນປະຈຸບັນ, ໃນນັ້ນສະໜັບສະໜູນທັດສະນະຂອງທ່ານ Poroshenko ກ່ຽວກັບການເລືອກຕັ້ງສະພາແຫ່ງຊາດໃນປີນີ້, ພ້ອມທັງເນັ້ນໜັກວ່າ “ເລື່ອງຢຸດຕິການປະທະກັນດ້ານການທະຫານຢູ່ແຂວງ Donetsk ແລະ Lugansk, ສ້າງຕັ້ງບັນດາເງື່ອນໄຂຈຳເປັນເພື່ອໃຫ້ ປະຊາຊົນກັບຄືນສູ່ຊີວິດຢ່າງປົກກະຕິແມ່ນໜ້າທີ່ຍຸດທະສາດອັນດັບໜຶ່ງໃນປະຈຸບັນ.”