ວັນທີ 19 ມັງກອນ, ແຂວງ ຈາວິງ ໄດ້ຈັດການພົບປະສັງສັນກັບພໍ່ແມ່ພີນ້ອງຊາວ ຫວຽດນາມອາໄສຢູ່ ຕ່າງປະເທດພ້ອມດ້ວຍຍາດຕິພີນ້ອງເນື່ອງໃນໂອກາດບຸນເຕັດ ປີມະໂຣງ 2012 ພວມຫຍັບເຂົ້າໄກ້, ຊຶ່ງມີການເຂົ້າຮ່ວມຂອງພໍ່ແມ່ພີນ້ອງຊາວ ຫວຽດນາມອາໄສຢູ່ຕ່າງປະເທດລວມປະມານ 150 ຄົນ. ທີ່ການພົບປະສັງສັນ, ທ່ານ ຕົ້ງມິງຢ້ຽນ ຮອງປະທານຄະນະກຳມະການປະຊາຊົນແຂວງ ຈາວິງ ໄດ້ຮັບຮູ້ການປະກອບສ່ວນຂອງພໍ່ແມ່ພີນ້ອງ ຊາວ ຫວຽດນາມອາໄສຢູ່ຕ່າງປະເທດເຂົ້າໃນການພັດທະນາຂອງແຂວງໃນຂົງເຂດຕ່າງໆ ແລະ ຫວັງວ່າ ໃນຊຸມປີທີ່ຈະມາເຖິງຈະມີຊາວ ຫວຽດນາມອາໄສຢູ່ຕ່າງປະເທດກັບເມືອປະກອບສ່ວນສ້າງສາບ້ານເກີດເມືອງນອນນັບມື້ນັບຫຼາຍຂຶ້ນ. ທີ່ການພົບປະ, ພໍ່ແມ່ພີນ້ອງຊາວ ຫວຽດນາມອາໄສ ຢູ່ຕ່າງປະເທດທຸກໆຄົນຕ່າງກໍສະແດງຄວາມພາກພູມໃຈຕໍ່ໜ້າການປ່ຽນແປງໃໝ່ຂອງປະເທດຊາດ, ພ້ອງທັງໃຫ້ຮູ້ວ່າ: ເຖິງວ່າຈະຢູ່ຫ່າງໄກຈາກບ້ານເກີດເມືອງນອນກໍຕາມ, ແຕ່ຍາມໃດກໍອວາຍໜ້າເມືອຫາກົກເຄົ້າເຫງົ້າກໍ. ທ່ານເຈີນຫິ້ວກວານ ຊາວ ຫວຽດນາມ ອາໄສຢູ່ຕ່າງປະເທດເວົ້າວ່າ :“ ທຸກວັນນີ້, ຂ້າພະເຈົ້າພາກພູມໃຈທີ່ສຸດເມື່ອເຫັນວ່າ ເສດຖະກິດ, ວັດທະນະທຳ -ສັງຄົມຂອງຫວຽດນາມມີການພັດທະນາ, ໃນນັ້ນມີຂົງເຂດສາສະໜາ, ເປັນຕົ້ນແມ່ນບັນດາວັດວາອາຮາມໄດ້ຮັບການກໍ່ສ້າງຢ່າງໃຫຍ່ໂຕໂອຖົງ, ນັບທັງບ່ອນທຳພິທີກຳຂອງສາສະໜາກາໂຕລິກ, ໂປແຕັສຕັງ ມີການເຄື່ອນໄຫວຢ່າງເສລີ, ມີສິດເສລີພາບທາງສາສະໜາ ”
ແລະກໍເນື່ອງໂອກາດບຸນເຕັດ 2012, ສະຖານທູດຫວຽດນາມ ປະຈຳແຟງລັງ ຫາກໍຈັດການພົບປະສັງສັນຊົມເຊີຍລະດູບານໃໝ່ໃຫ້ແກ່ພໍ່ແມ່ພີນ້ອງຊາວ ຫວຽດ ນາມອາໄສຢູ່ປະເທດນີ້, ພໍ່ແມ່ພີນ້ອງຊາວ ຫວຽດນາມອາໄສຢູ່ແຟງລັງລ້ວນແຕ່ຖືວ່າການຈັດຕັ້ງເຫດການນີ້ເປັນການສະແດງໃຫ້ເຫັນຄວາມເອົາໃຈໃສ່ຂອງພັກ, ລັດ ທີ່ມີຕໍ່ວົງຄະນະຍາດຊາວ ຫວຽດນາມອາໄສຢູ່ຕ່າງປະເທດເວົ້າລວມ ແລະ ຢູ່ແຟງລັງເວົ້າສະເພາະໃນໂອກາດບຸນປີໃໝ່ປະຈຳຊາດຫວຽດນາມ. ແລະ ຫວ່າງແລ້ວນີ້, ສະຖານກົງສູນໃຫຍ່ຫວຽດນາມປະຈຳນະຄອນສີຫະນຸ ແຫ່ງກຳປູເຈຍ ກໍຈັດການພົບປະສັງສັນກັບຜູ້ຕາງໜ້າອຳນາດການປົກຄອງແຂວງຕ່າງໆ ແລະ ພໍ່ແມ່ພີນ້ອງ ຊາວ ຫວຽດນາມອາໄສຢູ່ກຳປຸເຈຍ. ທ່ານຫົວໜ້າສະຖານກົງສູນຫວຽດນາມ ດັ້ງໂຮ່ຟາດ ສະແດງຄວາມຫວັງວ່າ: ໃນໄລຍະທີ່ຈະມາເຖິງ, ພໍ່ແມ່ພີນ້ອງຊາວ ຫວຽດນາມຈະສືບຕໍ່ເສີມຂະຫຍາຍມູນເຊື້ອສາມັກຄີ, ຕັ້ງໜ້າຮ່ຳຮຽນ, ອອກແຮງງານ, ຊ່ວຍເຫຼືອກັນ, ສ້າງການດຳລົງຊີວິດທີ່ສົດໃສ, ປະຕິບັດຕາມກົດໝາຍຂອງກຳປູເຈຍ, ປະກອບສ່ວນເພີ່ມທະວີສາຍພົວພັນມິດຕະພາບລະຫວ່າງ 2 ຊາດ ຫວຽດນາມ-ກຳປູເຈຍໃຫ້ດີຍິ່ງຂຶ້ນອີກ.