ລູກຫຼານຊາວເຜົ່າສ່ວນໜ້ອຍປະກອບສ່ວນສຳຄັນເຂົ້າໃນການອານຸລັກຮັກສາ, ພັດທະນາວັດທະນະທຳຫວຽດນາມ
.jpg)
(ລູກຫຼານຊາວເຜົ່າສ່ວນໜ້ອຍປະກອບສ່ວນສຳຄັນເຂົ້າ
ໃນການອານຸລັກຮັກສາ, ພັດທະນາວັດທະນະທຳຫວຽດນາມ)
(vovworld) - ວັນທີ 27/10 ຢູ່ຮ່າໂນ້ຍ, ກະຊວງວັດທະນະທຳ, ກິລາ ແລະ ທ່ອງທ່ຽວ ໄດ້ຈັດຕັ້ງລາຍການພົບປະແລກປ່ຽນນັກຮຽນ, ນັກສຶກສາ, ນັກກິລາ, ຄູອາຈານດີເດັ່ນທີ່ເປັນຊາວເຜົ່າສ່ວນໜ້ອຍ, ບັນດາຮາກຖານບຳລຸງສ້າງທີ່ຂຶ້ນກັບກະຊວງ. ມີຜູ້ແທນ 154 ຄົນ ມາຈາກ 31 ເຜົ່າ, ເຊິ່ງລວມມີຄູອາຈານທີ່ມີຜົນງານສູງໃນການບຳລຸງສ້າງວັດທະນະທຳສິລະປະ, ກິລາ ແລະ ທ່ອງທ່ຽວ 10 ຄົນ; ນັກຮຽນ, ນັກສຶກສາ, ນັກກິລາທີ່ມີຜົນງານສູງໃນການແຂ່ງຂັນຮຳ່ຮຽນໄດ້ຮັບການເຊີດຊູ 144 ຄົນ. ນີ້ແມ່ນລາຍການ ໂດຍກະຊວງວັດທະນະທຳ, ກິລາ ແລະ ທ່ອງທ່ຽວຈັດຕັ້ງ 2 ປີເທື່ອໜຶ່ງ ເພື່ອແນໃສ່ສົ່ງເສີມປຸກລະດົມກຳລັງໃຈໃຫ້ນັກຮຽນ, ນັກສຶກສາ, ນັກກິລາ, ຄູອາຈານຊົນເຜົ່າສ່ວນໜ້ອຍທີ່ໄດ້ມານະພະຍາຍາມສູ້ຊົນໃນການຮ່ຳຮຽນ, ຝຶກຝົນຫຼໍ່ຫຼອມເປັນຢ່າງດີ.
ກ່າວຄຳເຫັນທີ່ພິທີ, ທ່ານນາງ ດັ້ງທິບິກລຽນ ຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຢືນຢັນວ່າ: ໃນຊຸມປີຜ່ານມາ, ຍາມໃດພັກ ແລະ ລັດກໍ່ມີນະໂຍບາຍສະແດງໃຫ້ເຫັນຄວາມເອົາໃຈໃສ່ເຖິງຊົນເຜົ່າຕ່າງໆເວົ້າລວມ, ໃນນັ້ນມີຊາວຊົນເຜົ່າສ່ວນໜ້ອຍ, ພິເສດແມ່ນບັນດານະໂຍບາຍທີ່ສະຫງວນໃຫ້ລຸ້ນໜຸ່ມ, ໃນນັ້ນມີຫຼາຍນະໂຍບາຍໄດ້ຮັບການຜັນຂະຫຍາຍຢູ່ບັນດາຮາກຖານບຳລຸງສ້າງຂອງຂະແໜງວັດທະນະທຳ, ກິລາ ແລະ ທ່ອງທ່ຽວ. ຊັບພະຍາກອນມະນຸດວັດທະນະທຳ, ວັດທະນະທຳສິລະປະ, ກິລາກາຍະກຳ ແລະ ທ່ອງທ່ຽວຂອງປະຊາຄົມບັນດາຊົນເຜົ່າສ່ວນໜ້ອຍ ແມ່ນກຸ່ມຊັບພະຍາກອນມະນຸດສຳຄັນປະກອບສ່ວນອານຸລັກຮັກສາ, ພັດທະນາວັດທະນະທຳ, ສ້າງຄຸນສົມບັດ, ແບບແຜນການດຳລົງຊີວິດຂອງມະນຸດ, ສຶກສາອົບຮົມ, ຝຶກຝົນຫຼໍ່ຫຼອມກິລາກາຍະກຳ, ຍົກສູງອິດທິກຳລັງ ແລະ ຮ່າງກາຍຂອງຊາວຫວຽດນາມ. ປະຊາຊົນບັນດາເຜົ່າກໍ່ປະກອບສ່ວນເພີ່ມຊັບພະຍາກອນມະນຸດໃຫ້ບັນດາຂະແໜງເສດຖະກິດປາຍແຫຼມຂອງປະເທດ.