ປຽບເໝືອນມາດຕະການໜຶ່ງທີ່ຕ້ານຄືນບັນດາການກະທຳຂອງອາເມລິກາ ເພື່ອແນໃສ່ປົກປ້ອງບັນດາຂະແໜງອຸດສາຫະກຳຂອງປະເທດນີ້ ດ້ວຍການຈັດວາງພາສີນຳເຂົ້າສູງ. ໃນຖະແຫຼງການ ພາຍຫຼັງທີ່ສັນຍາ CPTPP ໄດ້ຮັບການລົງນາມນັ້ນ, ທ່ານລັດຖະມົນຕີການຄ້າ ນິວຊີແລນ David Parker ຢືນຢັນວ່າ “ ນີ້ແມ່ນຂໍ້ຕົກລົງທີ່ມີຄວາມຍຸຕິທຳຕໍ່ ນິວຊີແລນ “. ທ່ານຖືວ່າ ສັນຍາສະບັບນີ້ ນຳມາເຊິ່ງກາລະໂອກາດໃໝ່ໃຫ້ບັນດານັກສົ່ງອອກ ( ນິວຊີແລນ ) ຢູ່ບັນດາຕະຫຼາດສຳຄັນຄື ຍີ່ປຸ່ນ. ຕາມທ່ານນາງ Catherine Beard ຜູ້ອຳນວຍການຝ່າຍບໍລິຫານ ExportNZ ແລ້ວ, ໃນສະພາບການກະທຳປົກປ້ອງຂອງອາເມລິກາເພີ່ມຂຶ້ນ ແລະ ມີໄພເກີດສົງຄາມດ້ານການຄ້າທົ່ວໂລກນັ້ນ, ສັນຍາ CPTPP ແມ່ນພະຍານຫຼັກຖານກ່ຽວກັບເລື່ອງບັນດາປະເທດ ອາດຈະຮ່ວມມືນຳກັນ ກ້າວໄປເຖິງການຄ້າເສລີ ແລະ ການເປີດປະຕູ.