ແຜນທີ່ຫວຽດນາມ ມີເນື້ອທີ່ 680 ຕາລາງແມັດ
ພາບ:dantri.com.vn
|
(vovworld)- ຕອນເຊົ້າວັນທີ 28/6,ຢູ່ ໝູ່ບ້ານວັດທະນະທຳທ່ອງທ່ຽວ ບັນດາຊົນເຜົ່າຫວຽດນາມ, ຊາວຫນຸ່ມ ແລະ ນັກທ່ອງທ່ຽວເປັນຈຳນວນຫລວງຫລາຍໄດ້ພ້ອມກັນລົງລາຍເຊັນໃນແຜນທີ່ຫວຽດນາມ.ນີ້ແມ່ນການເຄື່ອນໄຫວເປີດສາກເຫດການ“ມະຫາຄອບຄົວມູ່ງໄປເຖິງພາລະກິດສ້າງສາ ແລະ ປົກປັກຮັກສາປະເທດຊາດ” ໂດຍກະຊວງວັດທະນະທຳ,ກິລາ ແລະ ທ່ອງທ່ຽວສົມທົບກັບບັນດາທ້ອງຖິ່ນຈັດຕັ້ງຂຶ້ນ. ແຜນທີ່ຫວຽດນາມ ມີເນື້ອທີ່ 680 ຕາລາງແມັດ ຊື່ງແມ່ນແຜນທີ່ໃຫຍ່ກວ່າໝູ່ຢູ່ຫວຽດນາມ ດ້ວຍຄວາມປາດຖະຫນາຢາກສົ່ງຄວາມຮັກແພງປະເທດຊາດ, ຄວາມເອກອ້າງທະນົງໃຈຕໍ່ປະເທດຊາດ ແລະ ຕັດສິນໃຈປົກປັກຮັກສາຜືນແຜ່ນດິນອັນຄົບຖ້ວນ. ປ້າ ຫງວຽນທິຊິງ, ຊົນເຜົ່າ ລາຮາ ຢູ່ແຂວງ ເຊີນລາ ໃຫ້ຮູ້ວ່າ:
“ມື້ນີ້ ຂ້າພະເຈົ້າພ້ອມກັບ 4 ຊົນເຜົ່າອື່ນຢູ່ແຂວງ ເຊີນລາ ໄປເຂົ້າຮ່ວມລາຍການຢູ່ໝູ່ບ້ານວັດທະນະທຳ. ຂ້າພະເຈົ້າກໍຄືວົງຄະນາຍາດບັນດາເຜົ່າຮູ້ສຶກຕື້ນຕັນໃຈ ແລະ ຕັດສິນໃຈມຸ່ງໄປເຖິງເຂດທະເລໝູ່ເກາະຂອງປະເທດຊາດ. ຂ້າພະເຈົ້າປາດຖະຫນາຢາກລາຍເຊັນຂອງຕົນປະກອບສ່ວນຢັ້ງຢືນອະທິປະໄຕຂອງປະເທດຊາດ.”
11,5 ຕື້ດົ່ງສະຫນັບສະຫນູນລາຍການສາຍຈິດມິດໃຈເພື່ອຮ່ວາງຊາ-ເຈື່ອງຊາ
ນີ້ແມ່ນຈຳນວນເງິນບໍລິຈາກທີ່ໄດ້ຮັບໃນວັນບຸນ“ສາຍຈິດມິດໃຈເພື່ອຮ່ວາງຊາ ແລະ ເຈື່ອງຊາ”, ໂດຍສະຫະພັນແຮງງານນະຄອນໂຮ່ຈິມີນຈັດຕັ້ງຂຶ້ນໃນຕອນເຊົ້າວັນທີ 28/6. ຈຳນວນເງິນດັ່ງກ່າວຈະຖືກສົ່ງໃຫ້ກອງທຶນສາຍຈິດມິດໃຈຮ່ວາງຊາ, ກອງທຶນເພື່ອເຈື່ອງຊາຮັກແພງ ເພື່ອຫນູນຊ່ວຍກຳລັງປະຕິບັດກົດໝາຍຢູ່ເຂດທະເລຮ່ວາງຊາ ແລະ ເຈື່ອງຊາ ແລະຊາວປະມົງພວມປະສົບກັບຄວາມຫຍຸ້ງຍາກເມື່ອຫາປາຢູ່ເຂດທະເລຂອງຫວຽດນາມ.